Bingwa wa mbio ndefu duniani Eliud Kipchoge ameandika historia nyingine baada ya kufanya mazoezi ya kukimbia na Rais wa Ufaransa Emmanuel Macron

Bingwa wa mbio ndefu duniani Eliud Kipchoge ameandika historia nyingine baada ya kufanya mazoezi ya kukimbia na Rais wa Ufaransa Emmanuel Macron

Bingwa wa mbio ndefu duniani Eliud Kipchoge ameandika historia nyingine nje ya uwanja wa mashindano baada ya kufanya mazoezi ya kukimbia asubuhi pamoja na Rais wa Ufaransa Emmanuel Macron jijini Nairobi.

Kupitia ujumbe aliouchapisha kwenye mitandao ya kijamii, Kipchoge alisema ilikuwa ni nafasi ya kipekee kukimbia pamoja na rais huyo huku wakijadili namna bora ya kuongeza msaada na fursa kwa kizazi kijacho cha wanariadha wa Afrika. Mwanariadha huyo mashuhuri alieleza kuwa mazungumzo yao yalijikita zaidi kwenye maendeleo ya michezo, vipaji vya vijana, pamoja na umuhimu wa kuwekeza katika ndoto za wanariadha chipukizi barani Afrika.

Kipchoge alisema tukio hilo limemkumbusha kuwa kukimbia siyo tu mazoezi au mashindano, bali ni lugha ya dunia inayowaunganisha watu wa tamaduni tofauti, mataifa mbalimbali na mawazo yanayolenga maendeleo ya pamoja.

Katika ujumbe wake, alimshukuru Rais Macron kwa mazungumzo yao, mbio za pamoja walizofanya na maono ya pamoja kuhusu mustakabali wa vijana wa Afrika kupitia michezo.

Tukio hilo limevutia hisia za watu wengi duniani, huku wengi wakieleza kuwa ushirikiano kati ya viongozi wa dunia na wanamichezo wenye ushawishi mkubwa unaweza kusaidia kuhamasisha vijana wengi zaidi kuamini katika michezo kama njia ya mafanikio na mabadiliko ya maisha.

Ameandika kwenye Ukurasa wake wa Instagram:

@reshare_app@kipchogeeliud Today it was truly amazing to take President @emmanuelmacron out for a morning run in Nairobi, where we had the opportunity to speak about how we can provide greater support and opportunities for the next generation of African athletes.

Moments like this remind me that running is more than movement. It is a universal language that connects people, cultures, and ideas.

Asante sana Mr. President for the conversation, the run, and the shared vision for the future.

...more

0

0

0