Maumivu chini ya kitovu ni dalili za ugonjwa ganiAfyaclass Forum •

Maumivu chini ya kitovu ni dalili za ugonjwa gani.

Watu wengi huweza kupata maumivu chini ya kitovu, lakini umewahi kujiuliza chanzo chake ni nini?

Maumivu chini ya kitovu yanaweza kuwa dalili za hali kadhaa, kama vile maambukizi ya njia ya mkojo, maumivu ya hedhi, matatizo ya utumbo kama vile kuvimba kwa utumbo, au hata mimba kutunga nje ya mfuko wa uzazi. Ni muhimu kushauriana na daktari ili kupata uchunguzi sahihi na matibabu sahihi.

Katika Makala hii, nitajadili chanzo cha maumivu chini ya kitovu kwa undani zaidi.

Maumivu chini ya kitovu ni tatizo linaloweza kutokea kwa watu wa umri na jinsia zote, na sababu zake zinaweza kutofautiana kulingana na hali ya mtu binafsi. Hapa nitaelezea baadhi ya sababu za kawaida za maumivu hayo:

1. Maambukizi ya Njia ya Mkojo (UTI):

Maambukizi ya njia ya mkojo ni sababu ya kawaida ya maumivu chini ya kitovu, haswa kwa wanawake. Bakteria wanaweza kusababisha maambukizi haya, ambayo huathiri mfumo wa mkojo, kuanzia kwenye kibofu hadi kwenye urethra.

Dalili zinaweza kujumuisha maumivu wakati wa kukojoa, hisia ya kutaka kwenda kukojoa mara kwa mara, na maumivu chini ya kitovu.

>>SOMA Zaidi hapa Kuhusu Maambukizi ya njia ya mkojo(UTI)

2. Matatizo ya Utumbo:

Pia Matatizo kama vile kuvimba kwa utumbo, spastic colon (colon ambayo hufanya kazi ya ziada), au matatizo mengine ya utumbo yanaweza kusababisha maumivu chini ya kitovu.

Hali kama vile colitis (kuvimba kwa utando wa utumbo mpana) au ileitis (kuvimba kwa sehemu fulani ya utumbo) zinaweza kusababisha dalili kama maumivu, kuharisha, au mabadiliko katika kula.

#SOMA Hapa Zaidi Kuhusu Saratani ya Utumbo mpana(Colon cancer)

3. Matatizo ya Uzazi kwa Wanawake:

Kuvimba kwa mirija ya uzazi au maambukizi kwenye viungo vya uzazi kama vile ovari, kibofu cha uzazi, au mfuko wa uzazi yanaweza kusababisha maumivu chini ya kitovu kwa wanawake.

Matatizo kama vile endometriosis (ambapo tishu zinazofanana na utando wa ndani wa uterasi hukua nje ya uterasi) au fibroids (uvimbe katika uterasi) ni sababu za kawaida za maumivu haya.

#SOMA Hapa Zaidi Kuhusu PID

4. Matatizo ya Figo:

Matatizo kama vile maambukizi ya figo au mawe ya figo yanaweza kusababisha maumivu chini ya kitovu. Maumivu yanayohusiana na figo mara nyingi huenda yakawa ya upande mmoja wa mwili, lakini yanaweza kusambaa hadi sehemu ya chini ya tumbo.

5. Matatizo ya Misuli na Viungo:

Maumivu chini ya kitovu yanaweza pia kusababishwa na matatizo ya misuli au viungo katika eneo hilo. Kuvuta misuli, kuharibika kwa tishu, au hata misuli iliyokwama inaweza kusababisha maumivu haya.

Hitimisho

Kumbuka kuwa hizi ni sababu chache tu za maumivu chini ya kitovu, na kila mtu anaweza kuwa na sababu tofauti. Ni muhimu kwa mtu mwenye maumivu haya kutafuta ushauri wa kitaalam ili kupata utambuzi sahihi na matibabu stahiki.

Kwa kujua chanzo cha maumivu, matibabu yanaweza kutolewa ipasavyo ili kupunguza au kutibu kabisa tatizo.

NA KWA USHAURI ZAIDI,ELIMU AU TIBA TUWASILIANE KWA NAMBA +255758286584.

0 Comment

Like

Comment

Kaswende ni ugonjwa gani, soma hapa kufahamuAfyaclass Forum •

Kaswende ni ugonjwa gani,

Kaswende ni maambukizi yanayosababishwa na bakteria. Mara nyingi, huenea kupitia mawasiliano ya kingono au kwa kujamiiana. Huu ni ugonjwa wa Zinaa.#Soma hapa Orodha mpya ya magonjwa ya Zonaa

Ugonjwa huu huanza kama kidonda ambacho mara nyingi hakina maumivu na kawaida huonekana kwenye sehemu za siri, puru au mdomo. Kaswende huenea kutoka kwa mtu hadi mtu kwa kugusana moja kwa moja na vidonda hivi. Pia inaweza kupitishwa kwa mtoto wakati wa ujauzito na kujifungua na wakati mwingine kwa njia ya kunyonyesha.

Baada ya maambukizo kutokea, bakteria wa kaswende wanaweza kukaa kwenye mwili kwa miaka mingi bila kusababisha dalili. Lakini maambukizi yanaweza kuwa hai tena. Bila matibabu, kaswende inaweza kuharibu moyo, ubongo au viungo vingine. Inaweza kuhatarisha maisha pia.

Ugonjwa wa Kaswende ukiwa kwenye hatua za mwanzo unaweza kuponywa, wakati mwingine kwa Sindano moja tu ya dawa inayoitwa penicillin.

Ndiyo maana ni muhimu kupata uchunguzi wa afya mara tu unapoona dalili zozote za kaswende. Wajawazito wote wanapaswa kupimwa kaswende katika uchunguzi wao wa kwanza wa ujauzito pia.

Dalili Za Ugonjwa wa Kaswende

Kaswende hukua kwa hatua, Na Dalili zake hutofautiana kwa kila hatua(Stages). Lakini hatua hizi zinaweza kuingiliana,na dalili zake zikawa hazina mpangilio uliosawa. Unaweza kuambukizwa na bakteria wa kaswende bila kugundua dalili zozote kwa miaka.

Soma Zaidi hapa kuhusu Dalili za Ugonjwa wa Kaswende kwenye Kila hatua(Stages);

Dalili za Ugonjwa wa Kaswende,chanzo chake(Syphilis)

Ugonjwa huu wa Kaswende huweza kusababisha Uharibufu wa;

• Ubongo
• Nerves
• Macho
• Moyo
• Mishipa ya Damu(Blood vessels).
• Ini
• Mifupa na joints.

Matatizo haya yanaweza kutokea miaka mingi baada ya maambukizi ya awali, ambayo hayajatibiwa.

Kaswende inayoenea
Katika hatua yoyote ile, na ambayo haijatibiwa inaweza kuathiri ubongo, uti wa mgongo, macho na sehemu nyingine za mwili. Hii inaweza kusababisha matatizo makubwa ya afya au hata kutishia maisha.

Kaswende ya kuzaliwa nayo(Congenital Syphilis)
Wajawazito walio na kaswende wanaweza kupitisha ugonjwa huo kwa watoto wao. Watoto ambao hawajazaliwa wanaweza kuambukizwa kupitia kiungo ambacho hutoa virutubisho na oksijeni ndani ya tumbo, kinachoitwa placenta. Maambukizi pia yanaweza kutokea wakati wa kuzaliwa.

Watoto wachanga walio na kaswende ya kuzaliwa wanaweza wasiwe na dalili. Lakini bila matibabu ya haraka, watoto wengine wanaweza kupata:

– Vidonda na upele kwenye ngozi.

– Homa.

– Ngozi na macho kubadilika rangi na kuwa manjano, hali inayoitwa kwa kitaalam jaundice

– Seli nyekundu za damu kuwa pungufu, kuwa na tatizo la upungufu wa damu au hali inayoitwa anemia.

– Kuvimba kwa wengu na ini.

– Kupiga chafya au kuwa na shida inayoitwa rhinitis.

– Mabadiliko ya mifupa.n.k

Dalili za baadaye zinaweza kujumuisha kuwa na shida ya ukiziwi, matatizo ya meno na pua, hali ambayo daraja la pua huanguka.n.k

Watoto walio na kaswende pia wanaweza kuzaliwa mapema sana. Wanaweza kufa wakiwa tumboni kabla ya kuzaliwa. Au wanaweza kufa baada ya kuzaliwa.

Chanzo cha Ugonjwa wa Kaswende

Chanzo cha kaswende ni bakteria aitwaye Treponema pallidum. Njia ya kawaida ya kaswende kuenea ni kwa kugusa kidonda cha mtu aliyeambukizwa wakati wa kujamiiana kwa uke, mdomo au Njia ya haja kubwa.

Bakteria huingia mwilini kupitia mikato,michubuko au mikwaruzo kwenye ngozi au kwenye utando wa ndani wenye unyevu wa baadhi ya sehemu za mwili.

Hatari ya kupata Kaswende

Hatari ya kupata kaswende ni kubwa ikiwa:

– Unafanya ngono bila kinga.

– Kufanya ngono na zaidi ya mpenzi mmoja.

– UnaIshi na VVU, virusi vinavyosababisha UKIMWI na haupo kwenye Tiba

– Uwezekano wa kupata kaswende pia ni mkubwa kwa wanaume wanaofanya mapenzi na wanaume.n.k

Matatizo/Madhara;
Bila matibabu, kaswende inaweza kusababisha uharibifu katika mwili wote. Kaswende pia huongeza hatari ya kuambukizwa VVU na inaweza kusababisha matatizo wakati wa ujauzito. Matibabu yanaweza kusaidia kuzuia uharibifu huu. Lakini hayawezi kurekebisha au kubadilisha uharibifu ambao tayari umetokea.

KWA USHAURI ZAIDI,ELIMU AU TIBA TUWASILIANE KWA NAMBA +255758286584.

0 Comment

Like

Comment

Koo kukauka ni dalili ya ugonjwa ganiAfyaclass Forum •

Koo kukauka ni dalili ya ugonjwa gani

Koo kukauka kunaweza kusababishwa na sababu kadhaa, ikiwa ni pamoja na:

Upungufu wa Maji Mwilini: Kunywa maji machache kuliko kawaida kunaweza kusababisha koo lako kukauka.

Mazingira MaKavu: Kuishi au kufanya kazi katika mazingira yenye hewa kavu, hasa ikiwa unatumia kiyoyozi au jiko la umeme, kunaweza kukausha koo lako.

Kupumua kwa Mdomo: Kupumua kupitia mdomo wakati wa kulala au kama matokeo ya uzuiaji wa hewa kupitia puani kunaweza kusababisha koo kukauka.

Matumizi ya Tumbaku: Kuvuta sigara au kutumia bidhaa zingine za tumbaku kunaweza kukausha koo.

Matumizi ya Baadhi ya Dawa: Dawa zingine, kama vile antihistamines, decongestants, na dawa za shinikizo la damu, zinaweza kusababisha koo kukauka kama moja ya madhara yake.

Tatizo la Acid Reflux(GERD): Acid kutoka tumboni inaporudi nyuma hadi kwenye esophagus, inaweza kusababisha koo kukauka na kuhisi kuungua.

Magonjwa ya Autoimmune: Magonjwa kama Sjogren’s syndrome yanaweza kusababisha mwili kushambulia tezi zinazozalisha mate, hali inayosababisha koo kukauka.

Iwapo koo lako linakauka mara kwa mara au hali hiyo inaendelea kwa muda mrefu, inashauriwa kushauriana na daktari kwa uchunguzi wa kina na ushauri wa matibabu.

Chanzo cha Koo kukauka

Ok tuchambue Zaidi kuhusu sababu za Koo kukauka,kama ifuatavyo;

1. Upungufu wa Maji mwilini(Dehydration)

Ukavu kwenye koo lako unaweza tu kuwa ishara kwamba haujapata Maji ya kutosha mwilini. Unapopungukiwa na maji mwilini, mwili wako hautoi mate mengi ambayo kwa kawaida hulowanisha mdomo na koo lako.

Upungufu wa maji mwilini pia unaweza kusababisha:

• kinywa kikavu
• kuongezeka kwa kiu
• mkojo kutoka mweusi, na mkojo mdogo kuliko kawaida
• uchovu
• kizunguzungu n.k

matibabu:
Kunywa maji ya kutosha hasa wakati wa mchana. Mapendekezo juu ya kiasi cha kunywa hutofautiana, lakini wastani mzuri ni vikombe 15.5 vya maji kwa wanaume na vikombe 11.5 kwa wanawake.

Utafiti mmoja uligundua kuwa watu wazima hupata kati ya 27-36% ya maji kutoka kwenye matunda, mboga mboga, na vyakula vingine. Hivo Zingatia pia aina ya chakula unachokula kila siku.

Unapaswa kuepuka soda na kahawa yenye kafeini, ambayo inaweza kusababisha mwili wako kupoteza maji zaidi.

2. Kulala wakati mdomo upo wazi

Ikiwa unaamka kila asubuhi na kinywa kinakuwa kikavu, tatizo linaweza kuwa kwamba unalala kinywa chako kikiwa wazi. Hewa hukausha mate ambayo kwa kawaida hufanya kinywa na koo lako kuwa na unyevu.

Kupumua kwa mdomo pia kunaweza kusababisha:

• Mdomo kuwa na harufu mbaya
• kukoroma
• uchovu sana wakati wa mchana n.k

3. Kuwa na Mzio au tatizo la allergies

Tatizo la Mzio pia huweza kupelekea baadhi ya watu kupata shida ya Koo kukauka Sana.

Homa ya Hay, pia hujulikana kama mzio wa msimu, husababishwa na reactions ya mfumo wa kinga kwa vitu visivyo na madhara katika mazingira yako.

Vichochezi vya kawaida vya allergy ni pamoja na:

• nyasi
• poleni
• pet dander
• ukungu
• wadudu kwenye vumbi
• vumbi lenyewe n.k

Mtu mwenye allergies dhidi ya vitu kama hivo anaweza kupata shida mbali mbali ikiwemo;

– Tatizo la Pua kuvimba

– Kupiga sana chafya

– Koo kuwa kavu

– Kuwashwa macho, mdomo au ngozi

– Kukohoa mara kwa mara n.k

4. Tatizo la Mafua

Mafua ni tatizo la kawaida unaosababishwa na virusi mbalimbali. Maambukizi yanaweza kufanya koo lako kuwa kavu na kuwasha.

5. Tatizo la Acid reflux or GERD

Gastroesophageal reflux disease (GERD) ni hali inayohusisha acid kupanda na kurudi juu kutoka Tumboni kwenda kwenye Umio au esophagus — Tatizo hili huweza kupelekea mtu kupata Kiungulia,Pamoja na Kokoo kukauka.

6. Tatizo la Tonsillitis

Tonsillitis huhusisha maambukizi ya tonsils – viunzi viwili laini nyuma ya koo lako ambavyo husaidia mwili wako kupambana na maambukizi. Virusi na bakteria vinaweza kusababisha tatizo la tonsillitis.

Pamoja na koo kukauka, dalili za tonsillitis zinaweza pia kujumuisha:

– tonsils kuwa nyekundu, au kuvimba
– homa
– lymph nodes kuvimba kwenye shingo
– sauti yako kutokuwa kawaida,kukauka n.k
– Kutoa harufu mbaya kinywani
– maumivu ya kichwa n.k

Matibabu:
Ikiwa bakteria walisababisha tonsillitis, daktari wako anaweza kuagiza dawa jamii ya antibiotics ili kutibu. Tatizo la Tonsillitis linalotokana na maambukizi ya virusi hupona lenyewe ndani ya wiki hadi siku 10.

KWA USHAURI ZAIDI,ELIMU AU TIBA TUWASILIANE KWA NAMBA +255758286584.

See more postsAt Our Website!problogtheme.blogspot.com See more

0 Comment

Like

Comment

Amiba ni ugonjwa gani,Fahamu kuhusu Ugonjwa wa AmebiasisAfyaclass Forum •

Amiba ni ugonjwa gani

Wengi wamezoea kusema hivo ila Amiba(amoeba) ni vimelea vyinavyosababisha ugonjwa, na Ugonjwa huo kitaalam ndyo hujulikana kama Amebiasis.

Je Amiba(Amoeba) ni nini?

Amiba ni kundi la viumbehai wadogo sana wenye seli moja, mara nyingi hupatikana katika mazingira ya maji kama vile maziwa, mito, na mabwawa.

Kati ya amiba hao, baadhi ni vimelea vinavyoweza kusababisha magonjwa kwa binadamu na wanyama. Mfano maarufu wa amiba mwenye uwezo wa kusababisha magonjwa ni Naegleria fowleri, ambao wanaweza kusababisha maambukizi ya ubongo (kirusi cha Naegleria fowleri), hali ambayo inajulikana kama amoebic encephalitis.n.k

Hata hivyo, ni muhimu kutambua kwamba si aina zote za amiba zinasababisha magonjwa, na asilimia kubwa hawana madhara kwa binadamu.

Ugonjwa wa Amebiasis,chanzo,dalili na Tiba yake

Amebiasis huu ni Ugonjwa unaosababishwa na jamii ya parasite hawa wenye seli moja ambao hujulikana kama Entamoeba histolytica.

Huu ni ugonjwa unaohusu utumbo mpana wa binadamu kushambuliwa na vimelea vya magonjwa ambavyo kwa kitaalam hujulikana kama Amoeba.

Chanzo cha Ugonjwa wa Amebiasis

Hivo basi, chanzo cha ugonjwa wa amebiasis ni mashambulizi ya vimelea vya amiba hasa hasa jamii ya Entamoeba histolytica.

Vimelea hivi huingia moja kwa moja kwenye mwili wa binadamu kwa kupitia mdomoni na kuenda moja kwa moja kwenye njia ya mfumo wa mmeng’enyo wa chakula mpaka kufika kwenye utumbo mkubwa.

Dalili za Ugonjwa wa Amebiasis

DALILI ZA UGONJWA WA AMEBIASIS NI PAMOJA NA;

– Mgonjwa kuanza kupata maumivu ya tumbo sana mithili ya tumbo kusokota

– Mgonjwa kuanza kujisaidia choo kilaini sana

– Wakati mwingine Mgonjwa kujisaidia kinyesi cha rangi ya kijani, kinyesi chenye vitu kama makamasi n.k

– Mgonjwa kuharisha au kujisaidia haja kubwa ya maji maji sanaa

– Mgonjwa kujisaidia kinyesi ambacho kimechanganyika na damu

– Mgonjwa kutoa hewa kwa njia ya haja kubwa mara kwa mara(kujamba)

– Mgonjwa kupata maumivu ya tumbo,Kifua na viungo mbali mbali vya mwili

– Joto la mwili la mgonjwa kupanda au mgonjwa kuwa na Homa

– Mgonjwa kupatwa na tatizo la kupungukiwa na damu

– Kupoteza appetite ya chakula kabsa

– Mgonjwa kupatwa na hali ya kichefu chefu pamoja na kutapika

– Mgonjwa kupungua uzito wa mwili na kukonda

KUMBUKA; Moja ya njia ya mtu kupata vimelea hivi vya amoeba ambavyo husababisha ugonjwa huu wa amiba ni pamoja na kunywa maji machafu sana.

Maji ambayo yamechanganyika ma kinyesi cha mtu ambaye alikuwa na vimelea hivi vya amoeba.

Matibabu ya Ugonjwa wa Amebiasis

Zipo dawa mbali mbali ambazo hutumika kutibu ugonjwa huu wa Amebiasis maarufu kama Ugonjwa wa amiba, na mgonjwa akapona kabsa.

KWA USHAURI ZAIDI,ELIMU AU TIBA TUWASILIANE KWA NAMBA +255758286584.

0 Comment

Like

Comment

kuwashwa nyayo za miguu husababishwa na nini? chanzo na TibaAfyaclass Forum •

kuwashwa nyayo za miguu husababishwa na nini? chanzo na Tiba

kuwashwa nyayo za miguu; zipo sababu nyingi ambazo huchangia shida hii ikiwemo matatizo ya ngozi kama vile psoriasis, eczema, au tatizo la athlete’s foot. Na hata tiba sahihi ya shida hii ya kuwashwa nyayo za miguu hutegemea na chanzo chake.

Ingawa mara kwa mara unaweza kuwashwa nyayo za miguu hali ambayo haiwezi kuwa chochote cha kuwa na wasiwasi, Kuwashwa nyayo za miguu kupita kiasi au muwasho usiopata nafuu unaoendelea baada ya muda huenda ukahitaji matibabu.

kuwashwa nyayo za miguu husababishwa na nini?

Hizi ni baadhi ya Sababu kubwa ambazo huweza kupelekea tatizo la kuwashwa nyayo za miguu;

1. Tatizo la kwenye nerves(Peripheral neuropathy)

Tatizo hili huhusisha uharibifu wa nerves kwenye maeneo kama vile miguuni n.k ambapo baadae husambaa kwenye sehemu zingine za mwili.

Kwa mujibu wa Taasisi moja inayojulikana kama “National Institute of Neurological Disorders and Stroke” inaelezea tatizo la peripheral neuropathy kama; uharibifu wa mfumo wa fahamu kwenye maeneo ya pembeni mwa mwili yaani “peripheral nervous system* ambapo huja kusambaa hadi kwenye mwili wote.

Uharibifu huu wa Nerves huweza kusababisha dalili mbali mbali ikiwemo;

• Kuwashwa kwenye maeneo mbali mbali ya mwili ikiwemo kwenye nyayo za miguu
• Miguu kufa ganzi
• Kuhisi maumivu kwenye maeneo mbali mbali ya mwili ikiwemo miguuni n.k

2. kuwa na tatizo la ngozi kavu(Dry skin)

Tatizo hili la ngozi kuwa kavu kuna wakati huweza kupelekea mtu kupata muwasho kwenye maeneo mbali mbali ya mwili ikiwemo kwenye nyayo za miguu,

Upakaji wa mafuta huweza kusaidia kupunguza tatizo la muwasho na ngozi kuwa kavu.

Tatizo la Ngozi kuwa kavu(dry skin) huweza kutokana na Sababu mbali mbali ikiwemo;

• Umri mkubwa
• Kukaa kwenye maeneo yenye ukame(dry climate)
• Kukaa kwenye mazingira ya maji mara kwa mara
• Kuogelea kwenye maji yenye chlorine(chlorinated water) n.k

Ikiwa mtu ana ngozi kavu kwenye miguu yake, anaweza kupata Muwasho. Kupaka krimu, losheni, au mafuta kunaweza kusaidia.

Ikiwa vilainishi vya kawaida havifanyi kazi, hakikisha unapata tiba kutoka kwa wataalam wa afya au kwa Ushauri Zaidi na Tiba tuwasiliane ndani ya @afyaclass

3. Tatizo la Psoriasis

Psoriasis ni hali ya ngozi ambayo husababisha vidonda, ngozi kuwa nyekundu na yenye magamba. Hali hii Inaweza kuathiri karibu sehemu yoyote ya mwili, ikiwa ni pamoja na miguu.

Tatizo la Psoriasis linaweza kusababisha muwasho sana kwenye ngozi na maumivu, na moja ya maeneo smbayo huweza kuathiriwa ni pamoja na kwenye nyayo za miguu.

Hali hii ya Psoriasis inatokea wakati mfumo wa kinga kwa mtu unapoanza kushambulia seli za ngozi zenye afya. Hii inaharakisha uzalishaji wa seli hizi, na kusababisha upele.

Matibabu kwa kawaida hujumuisha krimu na losheni ambazo zinaweza kuwa na laini,salicylic acid, corticosteroids, au mchanganyiko wa hivi vyote.

kwa Ushauri Zaidi na Tiba tuwasiliane ndani ya @afyaclass

4. Tatizo la Pumu ya ngozi(Eczema)

Eczema, pia hujulikana kama atopic dermatitis,  na kwa lugha rahisi hujulikana kama Pumu ya ngozi;

Hali hii huambatana na ngozi kuwa kavu sana na kupata muwasho sana, na huweza kuathiri maeneo mbali mbali ya mwili ikiwemo miguuni.

Dyshidrotic eczema; ni aina ambayo mara nyingi inaonekana kwenye pande na nyayo za miguu. Husababisha malengelenge madogo, ya kina, yanayowasha sana. Wanawake wana uwezekano mara mbili wa kupata aina hii ya pumu ya ngozi(eczema).

Watu wanaweza kutibu muwasho unaotokana na ukurutu mdogo wa dyshidrotic kwa kuloweka miguu yao kwenye maji baridi au kutumia vitu vya baridi na unyevunyevu kwenye eneo hilo.

Ikiwa eczema ni kali zaidi, daktari anaweza kuagiza creams au kupendekeza ufumbuzi wa OTC. Au kwa Ushauri Zaidi na Tiba tuwasiliane ndani ya @afyaclass

5. Tatizo la Fangasi kwenye Ngozi(Athlete’s foot)

Fangasi wanaweza kukua ndani ya viatu vya wanamichezo na kusababisha tatizo ambalo hujulikana kama athlete’s foot.

Athlete’s foot; ni ugonjwa wa Fangasi kwenye ngozi ambao kwa kawaida hutokea katikati ya vidole vya miguu, ingawa unaweza pia kuathiri sehemu nyingine za miguu.

Matokeo yake husababisha muwasho pamoja na kuhisi hali ya kuungua kwenye eneo lililoathiriwa(itching and burning sensation). Hivo basi,kuwashwa nyayo za Miguu huweza kutokana na Mashambulizi ya Fangasi.

Fangasi hustawi kwenye hali ya joto, unyevunyevu na giza, kama vile ndani ya viatu vya michezo. Kuongezeka kwa fangasi hizi kunaweza kusababisha tatizo la athlete’s foot.

Dawa jamii ya antifungal, ambayo huja kama vidonge au lotions, kwa kawaida ni nzuri sana katika kutibu tatizo la athlete’s foot.

6. Tatizo la Mzio au Allergy(Allergic reactions)

Fahamu tatizo la Mzio au allergy ya ngozi huweza kupelekea mtu kupata tatizo la Muwasho kwenye maeneo mbali mbali ya ngozi ikiwemo kwenye nyayo za miguu.

Mzio wa ngozi unaweza kusababisha muwasho. Lakini pia huweza kutokana na hali fulani za ngozi, kama vile eczema au psoriasis au kutokana na kugusana na vitu kama vile mpira,chavua(pollen),vumbi,kemikali yoyote n.k.

Kutumia dawa jamii za antihistamines inaweza kusaidia kudhibiti dalili za Mzio au allergies. Dawa hizi huja kama vidonge au krimu za kupaka. kwa Ushauri Zaidi na Tiba tuwasiliane ndani ya @afyaclass

7. Maambukizi ya Minyoo(Hookworm infections)

Watu wengi hawafahamu kwamba minyoo huweza kusababisha madhara makubwa mwilini ikiwemo;

• Kikohozi ambacho hakiishi
• Kupungukiwa na Damu
• Muwasho kwenye ngozi n.k

Hookworm; ni aina ya vimelea vya minyoo(parasitic-worms) vinavyoishi kwenye utumbo wa binadamu. Watu wanaweza kupata minyoo kwa kutembea bila viatu katika maeneo ambayo mabuu wapo. Maambukizi ya minyoo ni nadra sana katika maeneo yenye usafi wa kutosha.

Kulingana na Vituo vya Kudhibiti na Kuzuia Magonjwa (CDC), mtu anaweza kupata Muwasho mahali ambapo mabuu ya minyoo waliingia kwenye mwili wake.

Hivo endapo minyoo hawa wameingia mwilini kupitia kwenye nyayo za miguu hasa baada ya kutembea bila viatu huweza kupelekea tatizo la kuwashwa sana kwenye nyayo za miguu walipoingilia.

8. Tatizo la Scabies

Scabies huweza kutokea wakati mites wadogo sana wanapoingia kwenye ngozi ya mtu na kuweka mayai, kisha kusababisha upele unaowasha sana.

Hali hiyo inaambukiza na husafiri kwa mgusano wa ngozi hadi ngozi. Inaweza kutokea mahali popote kwenye mwili, ikiwa ni pamoja na miguuni.

Soma Zaidi hapa kuhusu tatizo hili la Scabies,chanzo,dalili na Matibabu

9. Ugonjwa wa kisukari(Diabetes)

Ugonjwa wa kisukari ni hali ya muda mrefu ambayo huathiri upinzani wa insulini na jinsi mwili hubadilisha chakula kuwa nishati. Inaweza kumaanisha kwamba viwango vya sukari kwenye damu ya mtu ni vikubwa sana, ambapo inaweza kuwa na madhara makubwa kiafya.

Ugonjwa wa kisukari unaweza kusababisha tatizo la diabetic neuropathy, ambapo matokeo yake yanaweza kupelekea mtu kupata matatizo kama vile;

• kuwashwa kwenye ngozi maeneo mbali mbli ya mwili ikiwemo kwenye nyayo za miguuni,
• Kupata tatizo la kufa ganzi, haswa kwenye miguu.n.k

Mzunguko duni wa damu kwa sababu ya ugonjwa wa sukari pia unaweza kusababisha tatizo la kuwashwa. Pia, kuwa na kisukari kunaweza kuongeza hatari ya mtu kupata maambukizi ya bakteria na fangasi.

Soma Zaidi hapa: Ugonjwa wa Kisukari,chanzo,dalili na Madhara yake mwilini.

10. Kuungua(Burns)

Hata baada ya kupona, kuungua sana kunaweza kusababisha uharibifu wa kudumu na uwepo wa tatizo la kuwasha kwa ngozi.

Kulingana na utafiti wa 2013, zaidi ya asilimia 90% ya washiriki waliripoti kuwashwa kwenye ngozi baada ya kuchomwa au kuungua. Kwa zaidi ya asilimia 40% ya washiriki, kuwasha kuliendelea kwa muda mrefu.

Hivo ikiwa umeungua maeneo kama vile miguuni kwenye nyayo unaweza kukutana na tatizo lingine la muwasho kwenye nyayo hata baada ya kupona.

Kumbuka; Ikiwa una tatizo la Kuwashwa kwenye nyayo za Miguu hakikisha unapata matibabu sahihi kulingana na chanzo husika au;

KWA USHAURI ZAIDI,ELIMU AU TIBA TUWASILIANE KWA NAMBA +255758286584.

0 Comment

Like

Comment