Dangote Aja Dar azungumza na Rais Samia Suluhu Hassan Ikulu ya Dar es Salaam

Dangote Aja Dar azungumza na Rais Samia Suluhu Hassan Ikulu ya Dar es Salaam

Rais wa Samia Suluhu Hassan amekutana na kufanya mazungumzo na bilionea maarufu kutoka Nigeria, Aliko Dangote, katika Ikulu ya Dar es Salaam leo Mei 16, 2026.

Mkutano huo umefanyika huku kukiwa na matarajio makubwa kuhusu ushirikiano wa kiuchumi na uwekezaji kati ya Tanzania na makampuni ya Dangote Group, ambayo ni moja ya makampuni makubwa zaidi barani Afrika katika sekta ya saruji, mafuta, gesi na viwanda mbalimbali.

Aliko Dangote aliwasili akiwa ameambatana na ujumbe wake kwa mazungumzo yaliyolenga kujadili fursa za biashara na maendeleo ya uwekezaji nchini Tanzania. Serikali ya Tanzania imeendelea kuvutia wawekezaji wakubwa wa kimataifa kupitia maboresho ya mazingira ya biashara pamoja na miradi mikubwa ya maendeleo inayotekelezwa nchini.

Kwa miaka ya hivi karibuni, Dangote Group imekuwa na ushiriki mkubwa katika sekta ya viwanda nchini Tanzania, hususan kupitia kiwanda cha saruji cha Dangote kilichopo Mtwara, ambacho ni miongoni mwa viwanda vikubwa vya saruji nchini.

Mkutano kati ya Rais Samia na Aliko Dangote unaonekana kama ishara ya kuimarika zaidi kwa mahusiano ya kiuchumi kati ya Tanzania na Nigeria, huku wadau wengi wakitarajia kuona uwekezaji zaidi utakaozalisha ajira na kuchochea ukuaji wa uchumi wa taifa.

...See more

0

0

0