Mastaa Wapoteza Followers Instagram, Ronaldo Mil 8, Kylie Jenner Mil 14, Selena Gomez Mil 6
Instagram Yafanya Usafi Mkubwa wa Akaunti Fake, Mastaa Wapoteza Mamilioni ya Followers
Mtandao wa kijamii wa Instagram umeingia kwenye mjadala mkubwa duniani baada ya kuripotiwa kuanza operesheni kubwa ya kufuta akaunti fake, spam pamoja na akaunti zisizo na shughuli kupitia mfumo wa kisasa wa AI wa kampuni ya Meta.
Hatua hiyo ambayo watumiaji wengi wameipa jina la “Great Purge of 2026” imesababisha mastaa wengi maarufu duniani kupoteza idadi kubwa ya followers ndani ya muda mfupi, jambo lililozua mijadala mikubwa kwenye mitandao ya kijamii.
Kwa mujibu wa taarifa zinazosambaa mtandaoni, mastaa kadhaa wameonekana kushuka kwa mamilioni ya followers kutokana na operesheni hiyo ya usafishaji wa akaunti zisizo halisi.
Miongoni mwa waliopoteza followers wengi zaidi ni Kylie Jenner ambaye anaripotiwa kushuka kwa zaidi ya followers milioni 14, huku staa wa soka Cristiano Ronaldo akipoteza zaidi ya followers milioni 6 ndani ya muda mfupi.
Lionel Messi naye aliripotiwa kushuka kwa zaidi ya followers milioni 4, wakati Selena Gomez akipoteza zaidi ya followers milioni 5 kufuatia mabadiliko hayo makubwa ya mfumo wa Instagram.
Wasanii wengine waliotajwa kuathirika ni pamoja na Taylor Swift, Ariana Grande, Beyoncé, Katy Perry, Jennifer Lopez, Priyanka Chopra, Zendaya pamoja na Dwayne Johnson maarufu kama The Rock.
Mashabiki wa muziki wa K-pop pia waligundua kupungua kwa followers kwenye akaunti za makundi maarufu kama BTS na BLACKPINK, hali iliyowafanya wengi kuhoji kilichokuwa kinaendelea kwenye platform hiyo.
Ripoti zinaeleza kuwa Meta inalenga kuondoa akaunti bot, spam pamoja na followers wanaopatikana kupitia huduma haramu za kuongeza followers, hatua inayolenga kuboresha uhalisia wa engagement na kuimarisha ubora wa matumizi ya Instagram.
Mbali na mastaa wakubwa, creators wadogo na wa kati nao waliripoti kupoteza kati ya asilimia 2 hadi 5 ya followers wao ndani ya saa chache pekee baada ya operesheni hiyo kuanza.
Hata hivyo, baadhi ya watumiaji wameonyesha wasiwasi kuwa huenda akaunti halali pia ziliathirika kutokana na mfumo wa AI kufanya usafishaji mkubwa kwa wakati mmoja bila kutofautisha baadhi ya akaunti.
Baadhi ya takwimu zilizoripotiwa zinaonyesha Cristiano Ronaldo kushuka kutoka followers milioni 673 hadi milioni 666, Lionel Messi kutoka milioni 512 hadi milioni 507, huku Ariana Grande akishuka kutoka followers milioni 371 hadi milioni 365.
Mpaka sasa, kampuni ya Meta bado haijatoa maelezo rasmi kuhusu ukubwa wa operesheni hiyo, lakini mjadala kuhusu usafi wa followers fake kwenye mitandao ya kijamii unaendelea kushika kasi duniani.
Post a Comment
"Karibu kutoa maoni yako. Kumbuka: Link zote za matangazo haziruhusiwi na zitafutwa kiotomatiki".