Mjamzito Mapigo Ya Moyo Kwenda MbioAfyaclass Forum •

Mjamzito Mapigo Ya Moyo Kwenda Mbio

Mapigo ya moyo kwenda mbio kwa mjamzito (moyo kudunda haraka) ni jambo linaloweza kutokea mara nyingi wakati wa ujauzito. Wakati mwingine ni kawaida, lakini wakati mwingine linaweza kuashiria tatizo.

Sababu za kawaida (zisizo hatari)

Hizi hutokana na mabadiliko ya mwili kipindi cha ujauzito:

• Kuongezeka kwa ujazo wa damu mwilini (Blood volume)(moyo hufanya kazi zaidi)
• Homoni za ujauzito
• Wasiwasi au msongo wa mawazo
• Uchovu au kukosa usingizi
• Kunywa kahawa/ chai nyingi au vinywaji vyenye caffeine

Sababu zinazoweza kuwa hatari

• Upungufu wa maji mwilini (dehydration)
• Upungufu wa damu (anemia)
• Kiwango cha sukari mwilini kuwa chini (low blood sugar)
• Shinikizo la juu la damu au preeclampsia

Muone daktari haraka kama kuna dalili hizi:

• Mapigo ya moyo yanaenda kwa kasi sana na hayapungui,Dalili zinaendelea muda mrefu
• Kizunguzungu au kuzimia
• Maumivu ya kifua
• Kupumua kwa shida
• Mapigo yasiyo ya kawaida (kuruka-ruka)
• Kuvimba sana mwilini
• Homa

Nini cha kufanya nyumbani

• Kunywa maji ya kutosha
• Pumzika na lala ubavu wa kushoto
• Epuka kahawa nyingi na soda
• Kula milo midogo mara kwa mara
• Epuka joto kali na msongo

See more postsAt Our Website!problogtheme.blogspot.com See more

0 Comment

Like

Comment

Mimba kuharibika husababishwa na nini Afyaclass Forum •

Tatizo la mimba kuharibika,Sababu kubwa ni hizi hapa

Zifuatazo ni Baadhi ya Sababu Zinazochangia Kutokea kwa Tatizo hili la Mimba kuharibika au kutoka Zenyewe;

1. Matatizo yanayotokana na Mfumo mzima wa Kijenetiki ambapo kitaalam hujulikana kama-Genetics Abnormalities,tatizo hili huchangia mimba kuharibika hasa hasa katika kipindi cha Miezi mitatu(3) ya Mwanzoni.

2. Matatizo katika Via vya Uzazi vya Mwanamke kama Vile;

• Kulegea kwa shingo ya kizazi hivo kushindwa kuhimili kushikilia ujauzito hatimaye ujauzito kutoka wenyewe, 
• Matizo kama Vile Uvimbe kwenye kizazi n.k

3. Tatizo la Mvurugiko wa Vichocheo vyako vya Mwili ambapo kitaalam hujulikana kama Hormone Imbalance

4. Uwepo wa Magonjwa mbali mbali kipindi cha Ujauzito kama vile; 

• Ugonjwa wa kisukari, 
• Kifafa cha Mimba,
• Shinikizo la Damu,
• Ugonjwa wa Goita
• Pamoja na maambukizi mengine kama vile ya Rubella.

5. Matumizi ya baadhi ya dawa ambazo ni hatari kipindi cha Ujauzito kama vile,

• matumizi ya dawa za Msongo wa mawazo mfano; paroxetine au venlafaxine

TABIA HATARISHI ZA KUPATA TATIZO LA MIMBA KUTOKA ZENYEWE

- Matumizi ya vilevi kama vile Pombe

- Uvutaji wa Sigara

- Matumizi ya vinywaji venywe Caffeine Nyingi

- Matumizi ya Dawa kiholela au Ovio bila kupewa maelekezo na wataalam wa afya n.k.

KWA USHAURI ZAIDI/ELIMU/TIBA TUWASILIANE KWA NAMBA +255758286584.

See more postsAt Our Website!problogtheme.blogspot.com See more

0 Comment

Like

Comment

Dalili za mtoto wa kiume,Fahamu hapaAfyaclass Forum •

Dalili za mtoto wa kiume akiwa Tumboni

Kitaalamu, hakuna dalili za uhakika zinazoweza kuthibitisha mapema kuwa una mimba ya mtoto wa kiume bila kipimo cha hospitali. Lakini zipo imani za jadi tu ambazo watu huamini huashiria jinsia ya mtoto, ingawa sio za kisayansi.

Imani za jadi zinazoashiria mtoto wa kiume:

> Hizi si za kitabibu, ni imani tu.

-Tumbo huwa limechomoza mbele zaidi kuliko pembezoni

-Mama hupata kichefuchefu kidogo au hakuna kabisa

-Tamaa ya kula vyakula vyenye chumvi au viungo

-Mapigo ya moyo wa mtoto husemekana kuwa chini (chini ya 140)

-Miguu huwa baridi mara kwa mara

-Nywele za mama hudaiwa kung’aa zaidi

-Chunusi chache usoni

-Mikono kuwa mikavu zaidi

Njia sahihi za kujua jinsia ya mtoto:

Njia pekee za uhakika ni:

Ultrasound (scan) kuanzia wiki 16–20

Vipimo maalum vya damu (vipo hospitali chache)

Ushauri muhimu:

Usiamini dalili bila kipimo cha hospitali. Afya ya mama na mtoto ni muhimu zaidi kuliko jinsia.

See more postsAt Our Website!problogtheme.blogspot.com See more

0 Comment

Like

Comment

Tatizo la mbegu kutoka nje baada ya tendo la ndoa Afyaclass Forum •

Tatizo la mbegu kutoka nje baada ya tendo la ndoa 

Tatizo la mbegu kutoka nje baada ya tendo la ndoa ni jambo linalowahusu wanandoa au wapenzi wengi, hasa wale wanaojaribu kupata mtoto. Kwa kawaida, baada ya mwanaume kumwaga mbegu ndani ya uke, ni kawaida kiasi kidogo cha shahawa kurudi nje. Hata hivyo, ikitokea kiasi kikubwa kinatoka mara kwa mara, inaweza kuwa sababu ya kushindwa kupata mimba, japo si mara zote.

Sababu Zinazowezekana za Mbegu kutoka Nje:

1. Mwili wa mwanamke kuwa wima haraka baada ya tendo
   – Kusimama au kwenda bafuni mara moja baada ya tendo kunaweza kusababisha mbegu kutoka kabla hazijaingia ndani vizuri.

2. Shughuli ya misuli ya uke
   – Misuli ya uke inaweza kushindwa kuzuia mbegu ndani, hasa kama hakuna mshikamano mzuri wa misuli ya nyonga.

3. Wingi wa shahawa
   – Wakati mwingine, kama mwanaume anatoa shahawa nyingi kupita kiasi, ni kawaida nyingine kutoka nje kwa sababu nafasi ya uke haitoshi kuziweka zote mara moja.

4. Kutoingia kwa uume vizuri
   – Ikiwa uume haujaingia vizuri au tendo limefanyika kwa haraka sana, mbegu huweza kumwagwa karibu na mlango wa uke na kutoka kirahisi.

5. Uwezekano wa matatizo ya mlango wa kizazi
   – Kama mlango wa kizazi (cervix) hauko katika nafasi nzuri ya kupokea mbegu (mfano mwanamke akiwa juu), mbegu haziwezi kuelekezwa vizuri ndani.

Je, hali hii ni tatizo kubwa?

Kwa kawaida, si tatizo kubwa na haitoshi peke yake kueleza kuwa Sababu ya Mwanamke kutokubeba mimba ingawa inaweza kuchangia pia. Kwa Wanawake wengi, kiasi cha mbegu kinachobaki ndani kinatosha kabisa kwa ajili ya kurutubisha yai. Kwa hiyo, ikiwa mnaendelea kufanya tendo mara kwa mara katika kipindi cha ovulation, kuna uwezekano mkubwa wa kushika mimba.

Njia za kusaidia kupunguza tatizo hili:

1. Kubadilisha mikao ya tendo la ndoa:
   – Mikao kama mwanamke akiwa chini (missionary style) inasaidia mbegu kuingia zaidi na kukaa kwa muda mrefu.

2. Kubaki umelala kwa mgongo baada ya tendo:
   – Mwanamke abaki amelala dakika 15–30 baada ya tendo, akiegesha mto chini ya nyonga ili mbegu ziende juu kuelekea kwenye kizazi.

3. Epuka kusimama au kuoga haraka baada ya tendo

4. Tumia mazoezi ya nyonga (Kegel exercises)
   – Husaidia kuimarisha misuli ya uke na kuzuia mbegu kutoka kwa haraka.

Wakati wa Kumwona Daktari:

Fikirieni kuonana na daktari au mtaalamu wa afya ya uzazi iwapo:

• Mmejaribu kupata mimba kwa zaidi ya miezi 12 bila mafanikio.
• Kuna dalili nyingine kama maumivu wakati wa tendo, kutokwa na uchafu usio wa kawaida, au hedhi isiyo ya kawaida.
• Unashuku tatizo la uzazi kwa mmoja wenu.

KWA USHAURI ZAIDI,ELIMU NA TIBA TUWASILIANE KWA NAMBA +255758286584.

See more postsAt Our Website!problogtheme.blogspot.com See more

0 Comment

Like

Comment