Daktari akiwa Marekani atumia roboti kufanya upasuaji kwa mgonjwa aliyeko Afrika

 Daktari mmoja huko Florida, Marekani, amefanikiwa kumfanyia upasuaji mgonjwa wa saratani aliyeko maelfu ya maili nchini Angola, Afrika, kwa kutumia roboti.

Vipul Patel, mkurugenzi wa matibabu wa Taasisi ya Global Robotic katika Advent Health huko Orlando, alifanya upasuaji wa kuondoa tezi dume—upasuaji unaoondoa baadhi ya sehemu au sehemu zote za tezi dume—kwa Fernando da Silva kutoka Angola, kama ilivyoripotiwa na mwandishi wa habari anayehusika na Tiba kutoka ABC News Dk. Darien Sutton mnamo Jumanne, Juni 17.

Da Silva, 67, aligunduliwa na saratani ya kibofu mwezi Machi, na mnamo Juni, Patel alitumia telesurgery ya roboti kuondoa tishu za saratani kwa mtu ambaye yupo Afrika.

 Saratani ya tezi dume imeenea sana barani Afrika, Patel aliuambia Mtandao huo, na kuongeza, "Katika siku za nyuma, walikuwa hawajaifuatilia vizuri au hawajapata matibabu." 

 Daktari alisema upasuaji huu ulikuwa wa muda mrefu, na ulikuwa wa mafanikio. 

 "Tumekuwa tukishughulikia hili kwa miaka miwili," Patel alisema.  "Tulisafiri kote ulimwenguni, tukiangalia teknolojia zinazofaa."