Nilifungua mkanda wangu na kutoka hapo - Muingereza aliyenusurika katika ajali ya ndege ya Air India asimulia

Nilifungua mkanda wangu na kutoka hapo - Muingereza aliyenusurika katika ajali ya ndege ya Air India asimulia

Nilifungua mkanda wangu na kutoka hapo - Muingereza aliyenusurika katika ajali ya ndege ya Air India atoa maelezo yake ya kushtua kuhusu Mkasa huo

Mtu pekee aliyenusurika katika ajali mbaya ya jana ya ndege ya Air India ameeleza maelezo yake ya kushtua kuhusu maafa hayo kabla ya kulipuka na kuwa moto mkubwa. 

Muingereza Vishwash Kumar Ramesh, 40, alinusurika kimiujiza kwenye maafa ya ndege iliyokuwa na abiria 242 na wafanyakazi ndani ya ndege hiyo.

Bw Ramesh, anayeishi London pamoja na mke wake na mtoto, amelazwa katika hospitali moja kaskazini-magharibi mwa jiji la Ahmedabad, ambako aliwaambia madaktari kwamba mara baada ya ndege hiyo kupaa, ilianza kushuka na ghafla ikagawanyika vipande viwili, na kumtoa nje kabla ya kutokea mlipuko mkubwa.

Dk. Dhaval Gameti, ambaye alimchunguza Bw. Ramesh, aliiambia Associated Press kwamba alikuwa amechanganyikiwa na majeraha mengi mwilini mwake' lakini tayari 'anaonekana kuwa nje ya hatari.' 

Akizungumza na mtangazaji wa India Doordarshan, Bw Ramesh alisema: 'Sijui nilitokaje nikiwa hai.  Kwa muda fulani, nilifikiri kwamba nilikuwa karibu kufa.  Lakini nilipofungua macho yangu, nikaona niko hai.