Adesi hueneza ugonjwa gani,Soma Hapa kufahamu

Mbu aina ya aedes aegypti hueneza ugonjwa wa zika, bila kusahau dengue na chikungunya

UGONJWA WA ZIKA,CHANZO,DALILI NA TIBA YAKE

Ugonjwa wa Zika ni ugonjwa ambao husababishwa na Virusi na kusambazwa na mbu aina ya Aedes mosquitoes ambao kwa asilimia kubwa humuuma mtu wakati wa asubuh sana,mchana au jioni,

Mbu huyu aina ya Aedes mosquitoes ndyo huyo huyo ambaye huweza kusambaza ugonjwa wa DENGUE,CHIKUNGUNYA,Pamoja na YELLOW FEVER.

Japo pia watu wengi wenye maambukizi ya virusi wa Zika hawaonyeshi dalili zozote,

DALILI ZA UGONJWA WA ZIKA NI PAMOJA NA;

- Joto la mwili kuwa juu sana au mtu kuwa na homa

- Mtu kupata rashes kwenye ngozi ya mwili wake

- Mtu kupata tatizo la macho kuvimba kwenye conjactiva hali ambayo kwa kitaalam hujulikana kama Conjuctivitis

- Mtu Kupata shida ya maumivu kwenye misuli pamoja na maumivu ya joint

- Mtu kupata maumivu ya kichwa cha mara kwa mara

- Mtu kupata uchovu wa mwili kupita kiasi n.k

VIPIMO VYA UGONJWA WA ZIKA NI PAMOJA NA

• Mtu kuchunguzwa dalili za ugonjwa kwa kuulizwa maswali,kuangaliwa na kuchukua histori ya ugonjwa kutoka kwa mgonjwa mwenyewe

• Pamoja na vipimo vya maabara yaani laboratory tests vinavyohusu kuchukua Sample ya Damu,mkojo,jasho,mate au maji maji ya aina yoyote kutoka kwenye mwili wa mgonjwa,

hii ndyo comfirmatory test,vipimo hivi ndyo hutoa uthibitisho kamili kama mgonjwa ana ugonjwa wa zika au hana

MADHARA YA UGONJWA WA ZIKA NI PAMOJA NA

- Mashambulizi ya virus wa zika huweza kumpata mama mjamzito kisha kuleta madhara mbali mbali kama vile;

• Mtoto kuzaliwa na kichwa kidogo kuliko kawaida yaani Microcephaly pamoja na matatizo mengine ambapo kwa kitaalam hujulikana kama Congenital Zika Syndrome

• Pia huweza kuleta madhara wakati wa ujauzito kama vile; ujauzito kuharibika wenyewe(miscarriage) au mama kujifungua mtoto kabla ya wakati yaani preterm birth

- Pia ugonjwa wa zika huweza kusababisha matatizo kwenye mfumo wa Nerves(Neurologic disorder) kwa Watu wazima na watoto ikiwemo tatizo la; Neuropathy pamoja na myelitis

MATIBABU YA UGONJWA WA ZIKA

✓ Kama ilivyo kwa magonjwa mengi ambayo chanzo chake ni virusi, Hakuna matibabu ya moja kwa moja ya kutibu kabsa au kuondoa kabsa kirusi hiki,

ila kuna matibabu yanayohusu kudhibiti dalili mbali mbali ambazo husababishwa na kirusi hiki kwenye mwili wako, kama vile homa,maumivu ya misuli,joints n.k

Pia kwa wale watu ambao wapo kwenye ukanda ambao kuna Mbu sana wanashauriwa kujikinga na mbu kwa kutumia Net wakati wa usku, pamoja na kuvaa nguo ndefu wakati wa mchana,kutoacha vichaka,au madimbwi ya maji karibu na makazi ya watu pamoja na njia nyingine za kujikinga na Mbu.

KWA USHAURI ZAIDI,ELIMU AU TIBA JUU YA TATIZO LOLOTE TUWASILIANE KWA NAMBA +255758286584.

 DENGUE:

UGONJWA WA DENGUE(chanzo,dalili na tiba yake)

Ugonjwa wa Dengue ni ugonjwa ambao chanzo chake ni virusi ,ugonjwa huu huweza kusambazwa na mbu ambao wamebeba vimelea  hivi.

CHANZO CHA UGONJWA WA DENGUE

Hivo basi kama nilivyokwisha kusema hapo juu ugonjwa wa dengue chanzo chake ni virusi lakini msambazaji mkuu ni mbu jamii ya Aedes aegypti na wakati mwingine hata jamii ya Aedes albopictus huhusika pia.

DALILI ZA UGONJWA WA DENGUE NI PAMOJA NA;

- Joto la mwili la mgonjwa kupanda au mgonjwa kuwa na homa

- Kupata uchovu wa mwili kupita kiasi

- Kupata maumivu makali ya kichwa

- Mgonjwa kukosa kabsa hamu ya chakula

- Maumivu ya viungo,misuli pamoja na joint kwenye mwili

- Maumivu ya tumbo,kiuno na mgongo

Maeneo ya joto sana, pamoja na hali ya unyevu unyevu huweza kuwa mazingira mazuri sana ya ugonjwa huu

MATIBABU YA UGONJWA WA DENGUE

Homa ya dengue huweza kutibika kwa njia mbali mbali ikiwa ni pamoja na matumizi ya dawa aina mbali mbali, 

Ushauri wangu kwako ni bora kwenda hospital kufanya vipimo kwanza, kabla ya kuanza matibabu 

Kwa Ushauri zaidi,Elimu, Au Tiba tuwasiliane kwa Namba +255758286584

Karibu Sana..!!

kucha kuingia kwenye nyama,kucha kuota kwenye nyama

Tatizo la Kucha Kuingia ndani ya nyama za vidole(Ingrown Toenails)

Wakati mwingine, upande wa kucha (kawaida kwenye kidole kikubwa) hukua ndani ya ngozi na inaweza kutokea katika umri wowote ikiwemo kwa wazee.

Kidole chako kinaweza kuvimba, kuumizwa, na kuambukizwa baada ya tatizo hili kutokea. Mtu mwenye tatizo la Miguu kuvuja sana jasho, uzito kupita kiasi, na kisukari yupo kwenye hatari zaidi ya kupatwa na tatizo hili.

Ili kuzuia, epuka kukata kucha zako kuwa fupi sana kuliko kawaida, kuna baadhi ya watu hukata kucha na kuwa fupi zaidi mpaka wanapata maumivu.

Epuka kuvaa viatu vya kubana, n.k Soma zaidi hapa…

FAHAMU KUHUSIANA NA TATIZO LA KUCHA KUINGIA NDANI YA NYAMA ZA KIDOLE.

Ingrown toenails ni tatizo ambalo hutokea mara baada ya chembe ya sehemu ya kucha kutoboa na kuingia kwenye ngozi na hivyo kupelekea athari na maambukizi katika kidole. Kidole gumba cha mguu ndio huathirika zaidi na tatizo hili la kucha kuingia ndani ya nyama ya Kidole.

DALILI ZA TATIZO HILI LA KUCHA KUINGIA NDANI YA NYAMA ZA KIDOLE NI PAMOJA NA;

1. Mtu kupata Maumivu makali kwenye kucha pamoja na kidole

2. Kidole kilichoathirika na shida hii kuvimba

3. Kutoa maji maji kidoleni

4. Tishu zenye rangi nyekundu kuota eneo hilo

VIHATARISHI ZA KUTOKEA KWA NA TATIZO LA KUCHA KUINGIA NDANI YA NYAMA ZA KIDOLE NI PAMOJA;

1. Mtu Kuvaa viatu vinavyobana sana mara kwa mara

2. Mtu Kukata sanaa sehemu ya pembeni ya kucha

3. Matatizo mengine ya ukucha

4. Mtu kupata Ajali zinazohusisha miguu

Mojawapo ya njia ya kuzuia tatizo hili la kucha kuota na kuingia ndani ya nyama ya kidole ni pamoja na kukata kucha vizuri na kutokuvaa viatu vya kubana sana.

Matibabu yake hutegemeana na hatua au ukubwa wa tatizo, Ila mojawapo ya Tiba ni kukata na kuondoa kucha hii.

KWA USHAURI ZAIDI,ELIMU AU TIBA TUWASILIANE KWA NAMBA +255758286584.

Madhara Ya Kutofanya Mapenzi Muda Mrefu 

Je kuna Madhara ya kutokufanya Mapenzi muda Mrefu?

Zipo dhana mbali mbali na sisi pia kama afyaclass,tumepokea maswali mengi sana,Watu wakiuliza kuhusu Yapi ni Madhara ya kutokufanya Mapenzi muda Mrefu?

Kuna Nadharia nyingi kwenye Jamii Zetu,wengine wanakuambia usipofanya utakuwa hivi,wengine vile? Je swala hili lipoje? karibu tukufungue macho kitaalam Zaidi.

Katika makala hii tumechambua baadhi ya tips za kukusaidia kujua kuhusu hili la Madhara ya kutokufanya Mapenzi kwa muda Mrefu.

Ukweli ni kwamba hakuna kiwango sahihi cha kufanya Mapenzi kwa mtu, hii huweza kutegemea kati ya mtu na mtu, na kutokufanya Mapenzi kwa muda mrefu hakuwezi kuwa na madhara kwa afya yako,

Soma Zaidi hapa Kujua,...

Nanukuu maneno kutoka kwenye Jarida la afya(medicalnewstoday) Wanasema;

"No one should ever feel obliged to have sex. Avoiding sex will not harm a person’s health, and it may even be healthy".

Hakuna Mtu wakunyooshewa kidole au kuhukumiwa kwa kutokufanya Mapenzi kwa muda mrefu, Kuepuka kufanya Mapenzi hakuwezi kuleta madhara kwa afya ya mtu, na badala yake huweza kuwa afya Zaidi kwake.

Katika Mada hii tunachambua kwa kuangalia Vitu vikuu Viwili;

1. Matokeo kwenye Mwili(Physical effects)
2. Matokeo kisaikolojia na kwenye Afya ya akili kwa Ujumla(Psycholigical effects&Mental health in general)

(1) Matokeo kwenye mwili(Physical Effects)

Kwa Mujibu wa tafiti za kitaalam,Hata kama mtu hajafanya Mapenzi kwa miezi kadhaa au miaka, hakuna uwezekano wa kugundua athari zozote mbaya za kiafya kwa afya yake au kwenye Mwili wake,

Ingawa utafiti unaonyesha kuwa kufanya Mapenzi mara kwa mara kunaweza pia kuleta faida fulani za kiafya, Faida hizo ni pamoja na:

• Kuboresha Mfumo wa kinga yako ya mwili
• Kupunguza shinikizo la damu
• Kupunguza kiwango cha Stress
• Kupunguza hatari ya kupata magonjwa mbali mbali ikiwemo magonjwa ya moyo n.k

Kwa wanaume, afya ya tezi dume inaweza kuimarika kutokana na kumwaga manii mara kwa mara, Uchunguzi mmoja uliofanywa mwaka 2018 uligundua kwamba; kumwaga mara mbili hadi nne kwa wiki kulihusishwa na uwezekano mdogo wa kupata saratani ya tezi dume.

 Kwa wanawake, Kufanya Mapenzi mara kwa mara -kunaweza kuimarisha misuli ya sakafu ya pelvic inayounga kibofu.  Hii inaweza kuboresha utendajikazi wa kibofu cha Mkojo na kupunguza hatari ya kupata tatizo la kushindwa kuzuia Mkojo mwenyewe.

Kwahyo hayo ni Maelezo Mafupi kuhusiana na Matokeo kwenye Mwili wako(Physical Effects.

(2) Matokeo kisaikojolia,au kwenye afya ya Akili(pyscholigical effects)

Utafiti wa mwaka 2020 kutoka kwenye Chanzo kimoja Kinachoaminika ulichunguza tabia za ngono wakati wa kuzuiwa au(lockdown) kwa muda kutokana na COVID-19,

Utafiti huu uliunga mkono madai kwamba kufanya Mapenzi mara kwa mara kulihusishwa na viwango vya chini vya mfadhaiko na wasiwasi(depression,anxiety)n.k.  

Hivo kwa Muktadha huu Kufanya Mapenzi mara kwa mara hupunguza tatizo la Wasiwasi,Msongo wa mawazo,pamoja na Mfadhaiko, Ingawa hii ni kweli kwa watu wengine, sivyo ilivyo kwa kila mtu.

Ingawa kutokufanya Mapenzi kwa Muda mrefu ni jambo la hiari, baadhi ya watu wanaweza kuhisi athari mbaya kwenye afya yao ya kiakili;

Kutokufanya Mapenzi kwa muda mrefu kwa baadhi ya Watu kunaweza kuwafanya wahisi kutojiamini au kuwa na wasiwasi,

Lakini Pia Kwa wengine, kujiepusha na kufanya Mapenzi ni muhimu kwa afya nzuri ya akili.  Watu wanaweza kujiepusha na ngono kwa sababu nyingi, kwa mfano, kwa sababu wana hamu ndogo ya kufanya mapenzi au hawana kabsa hamu ya tendo la ndoa, hawana wapenzi au wachumba wakufanya nao tendo,au wanachagua tu kutojihusisha kwa kuona bado sio muda sahihi wa kufanya hivo.

Na moja ya Faida kubwa wanayopata ni kujikinga na Magonjwa ya Zinaa kwa Asilimia 100%.

Hakuna kiwango sahihi cha kufanya Mapenzi, hili hutofautiana kati ya mtu na mtu, Na Kutofanya Mapenzi kwa muda mrefu hakutakiwi kuwe na madhara ya kiafya kwako.

Hakuna mtu anayepaswa kujisikia vibaya kwa kutokufanya Mapenzi.  Kuepuka kufanya Mapenzi hakutadhuru afya ya mtu, na kunaweza hata kuwa na faida zaidi kiafya.

ANGALIZO; Hapa hatuhalalishi kwamba kukosa hamu ya Tendo la ndoa ni kawaida, hapana! Kama unakosa hamu ya Tendo hakikisha unaongea na wataalam wa afya kwanza huenda una tatizo la kiafya. Na kwa Ushauri Zaidi au Tiba tunaweza kuwasiliana hapa hapa kwa namba +255758286584.

Ingawa hakuna Madhara ya kutokufanya Mapenzi muda Mrefu, lakini kutokuwa na hisia za Mapenzi kabsa huweza kuwa tatizo la kiafya ambalo huhitaji Matibabu,

Hivo kupungua kwa hamu ya tendo la ndoa, huweza kutokana na Sababu mbali mbali ambazo zingine ni lazima upate matibabu ya kitaalam.

Mfano ni matatizo kama Vile; Tatizo la hormone imbalance n.k.

Hitimisho:

Nanukuu maneno kutoka kwenye jarida ya afya(Healthline)kuhusu Mada hii ya Madhara ya kutokufanya mapenzi muda mrefu

Jarida hili linasema"Despite what you may see on TV, there’s nothing wrong with you if you are not having sex all the time. There is also nothing wrong with you if you never have sex".

Licha ya kile unachoweza kuona kwenye TV au vyanzo vingine vya Taarifa, hakuna ubaya kwako ikiwa hufanyi tendo la ndoa kila wakati. Pia hakuna kitu kibaya kwako ikiwa hujawahi kufanya mapenzi kabsa,

Hakuna Madhara ya kutokufanya Mapenzi muda Mrefu, na badala yake huweza kuwa faida kwako,

kwani huweza kukupunguzia hatari ya Kupata magonjwa mbali mbali ya Zinaa(Sexual transmitted diseases-STDs)

Ni matumaini yangu kwamba tumejibu vizuri swali hili la;

" Je, Kuna Madhara ya kutokufanya Mapenzi muda Mrefu?".

Madhara ya Kula Udongo: Hatari kwa Afya yako

Kula udongo ni tabia ambayo inaweza kuathiri afya yako kwa njia mbalimbali,

Mara nyingi, tabia hii huonekana kama ni ya kushangaza, lakini zipo sababu mbali mbali za watu kufanya hivyo, Madhara ya kula udongo ni mengi na yanaweza kuwa hatari zaidi kwa afya yako.

Kama wewe ni mmoja wa watu wanaokula udongo, ni muhimu kujua madhara yanayoweza kutokea kwa afya yako,

Makala hii inakupa ufahamu wa kina kuhusu madhara ya kula udongo na jinsi ya kuepuka athari zake.

Madhara ya Kula Udongo

Hapa chini ni baadhi ya madhara ya kula udongo ambayo yanaweza kutokea kwa afya yako:

- Udongo huweza kubeba uchafu wa kila aina,

hali ambayo huweza kupelekea mtu kupata maambukizi ya magonjwa mbali mbali,

Pia kumeza heavy metals na kupata tatizo linalojulikana kama heavy metal toxicity.

Tafiti mbali mbali zinaonyesha kwamba,baadhi ya Watu hufanyiwa Upasuaji baada ya kupata matatizo kama vile;

• utumbo kuziba,
• utumbo kutoboka,
• kupata vidonda tumboni,
• Kupata tatizo la kidole tumbo au appendix n.k kutokana na ujali wa udongo

- Kusababisha matatizo ya Ini

Kula udongo kunaweza kusababisha matatizo ya ini, Hii ni kwa sababu ya kemikali zilizomo kwenye udongo.

Kemikali hizi zinapata njia ya kuingia ndani ya mwili wako kupitia utumbo wako, na kisha kusafiri hadi kwenye ini, Kemikali hizi zinaweza kusababisha uharibifu kwenye ini lako.

- Matatizo ya tumbo pamoja na Utumbo

Kula udongo pia kunaweza kusababisha matatizo ya tumbo au utumbo,

Utumbo wako unaweza kushindwa kufanya kazi yake kwa usahihi kwa sababu ya kemikali zilizomo kwenye udongo.

Hii inaweza kusababisha matatizo mbali mbali kama vile

• Mtu kuharisha,
• Mtu kupata kichefuchefu,
• au kupata maumivu ya tumbo.

- Upungufu wa Madini

Kula udongo pia kunaweza kusababisha upungufu wa madini kwenye mwili wako,

Udongo unaweza kuzuia mwili wako kufyonza madini muhimu kama vile madini ya chuma pamoja na zinki.

Hii inaweza kusababisha matatizo kama vile upungufu wa damu, upungufu wa kinga, na magonjwa mengine.

- Matatizo ya Ngozi

Kula udongo pia kunaweza kusababisha matatizo ya ngozi, Kemikali zilizomo kwenye udongo zinaweza kusababisha ngozi kuwa kavu, kuwasha, au kupata maumivu.

Pia, kula udongo kunaweza kusababisha uwezekano wa kupata magonjwa ya ngozi.

4. kula udongo kunaweza kuathiri afya ya uzazi

Ndiyo, kula udongo kunaweza kuathiri afya ya uzazi kwa sababu ya kemikali hatari zinazopatikana katika udongo,

Kemikali hizi zinaweza kusababisha matatizo kama vile;

• Mwanamke kutopata mimba,
• mimba kutoka,
• au kuzaa watoto wenye kasoro za kimaumbile

Jinsi ya Kuepuka Madhara ya Kula Udongo

Ni muhimu sana kuzingatia jinsi ya kuepuka madhara ya kula udongo, Hapa chini ni njia kadhaa unazoweza kutumia kuepuka athari za kula udongo:

✓ Kuacha Kabisa Tabia ya Kula Udongo

Njia bora zaidi ya kuepuka madhara ya kula udongo ni kuacha tabia hii kabisa,

Kama unahisi unayo tabia hii, ni muhimu kuwasiliana na wataalamu wa afya ili kukusaidia kuacha tabia hii hatari.

✓ Kula Vyakula Vingine Vyenye Madini

Kama unahisi una upungufu wa madini, ni muhimu kula vyakula vingine vyenye madini.

Kwa mfano, chakula kama vile;

• nyama,
• samaki,
• Pamoja na mboga mboga za majani kama vile spinach na kale,

vyakula hivi vina madini muhimu ambayo yanaweza kukusaidia kuepuka upungufu wa madini mwilini.

✓ Kula Chakula Kilichosindikwa Kwa Usahihi

Kula chakula kilichosindikwa kwa usahihi kunaweza kusaidia kuepuka madhara ya kula udongo,

Hii ni kwa sababu chakula kinachosindikwa kwa usahihi huwa na viwango vya juu vya madini muhimu ambayo mwili wako unahitaji.

Kwa hiyo, badala ya kula udongo, kula chakula cha kutosha kilichosindikwa kwa usahihi.

✓ Kutafuta Matibabu ya Kupunguza Uzito

Kula udongo kunaweza kuwa ishara ya matatizo ya kiafya kama vile upungufu wa madini mwilini, au matatizo ya kihisia kama huzuni,msongo wa mawazo au wasiwasi.

Kupunguza uzito kunaweza kusaidia kupunguza hali hizi na hivyo kupunguza uwezekano wa kula udongo.

FAQs

Hapa chini ni maswali yanayoulizwa mara kwa mara kuhusu madhara ya kula udongo pamoja na majibu yake,

Maswali yanayoulizwa mara kwa mara kuhusu Madhara ya Kula Udongo:

1. Je, ni salama kula udongo?

Kwa kawaida, si salama kula udongo kwani inaweza kusababisha madhara ya kiafya kama vile magonjwa kwenye mfumo wa chakula ikiwemo kwenye tumbo na utumbo, upungufu wa madini mwilini, na athari kwa afya ya uzazi. Kwa hiyo, ni muhimu kuepuka kula udongo.

2. Je, kuna sababu ya kiafya ya kula udongo?

Kula udongo ni tabia ya kawaida kwa baadhi ya watu, lakini hakuna faida za kiafya za kufanya hivyo. Kinyume chake, kula udongo kunaweza kusababisha madhara ya kiafya na inapaswa kuepukwa.

3. Je, kula udongo kunaweza kusababisha upungufu wa madini mwilini?

Ndiyo, kula udongo kunaweza kusababisha upungufu wa madini mwilini, hasa madini ya chuma. Hii ni kwa sababu udongo mara nyingi una vitu vinavyoshindana na madini kama chuma,hali ambayo hupelekea kuathiri ufyonzwaji wa madini haya mwilini

4. Je, kula udongo kunaweza kuathiri afya ya uzazi?

Ndiyo, kula udongo kunaweza kuathiri afya ya uzazi kwa sababu ya kemikali hatari zinazopatikana katika udongo. Kemikali hizi zinaweza kusababisha matatizo kama kutopata mimba, mimba kutoka, au kuzaa watoto wenye kasoro za kimaumbile

Hitimisho:

Kwa kumalizia, kula udongo si salama na inaweza kusababisha madhara ya kiafya kama vile magonjwa kwenye njia ya chakula ikiwemo kwenye tumbo pamoja na Utumbo, upungufu wa madini mwilini, na athari kwa afya ya uzazi.

Ni muhimu kuepuka tabia hii ili kulinda afya yako, Ikiwa una wasiwasi kuhusu tabia yako ya kula udongo, tafuta ushauri wa kitaalam kutoka kwa Wataalam wa afya.

Maumivu chini ya kitovu,chanzo na Tiba yake

Watu wengi huweza kupata maumivu chini ya kitovu, lakini umewahi kujiuliza chanzo chake ni nini?

Maumivu chini ya kitovu yanaweza kuwa dalili za hali kadhaa, kama vile maambukizi ya njia ya mkojo, maumivu ya hedhi, matatizo ya utumbo kama vile kuvimba kwa utumbo, au hata mimba kutunga nje ya mfuko wa uzazi. Ni muhimu kushauriana na daktari ili kupata uchunguzi sahihi na matibabu sahihi.

Katika Makala hii, nitajadili chanzo cha maumivu chini ya kitovu kwa undani zaidi.

Maumivu chini ya kitovu ni tatizo linaloweza kutokea kwa watu wa umri na jinsia zote, na sababu zake zinaweza kutofautiana kulingana na hali ya mtu binafsi. Hapa nitaelezea baadhi ya sababu za kawaida za maumivu hayo:

1. Maambukizi ya Njia ya Mkojo (UTI):

Maambukizi ya njia ya mkojo ni sababu ya kawaida ya maumivu chini ya kitovu, haswa kwa wanawake. Bakteria wanaweza kusababisha maambukizi haya, ambayo huathiri mfumo wa mkojo, kuanzia kwenye kibofu hadi kwenye urethra.

Dalili zinaweza kujumuisha maumivu wakati wa kukojoa, hisia ya kutaka kwenda kukojoa mara kwa mara, na maumivu chini ya kitovu.

>>SOMA Zaidi hapa Kuhusu Maambukizi ya njia ya mkojo(UTI)

2. Matatizo ya Utumbo:

Pia Matatizo kama vile kuvimba kwa utumbo, spastic colon (colon ambayo hufanya kazi ya ziada), au matatizo mengine ya utumbo yanaweza kusababisha maumivu chini ya kitovu.

Hali kama vile colitis (kuvimba kwa utando wa utumbo mpana) au ileitis (kuvimba kwa sehemu fulani ya utumbo) zinaweza kusababisha dalili kama maumivu, kuharisha, au mabadiliko katika kula.

#SOMA Hapa Zaidi Kuhusu Saratani ya Utumbo mpana(Colon cancer)

3. Matatizo ya Uzazi kwa Wanawake:

Kuvimba kwa mirija ya uzazi au maambukizi kwenye viungo vya uzazi kama vile ovari, kibofu cha uzazi, au mfuko wa uzazi yanaweza kusababisha maumivu chini ya kitovu kwa wanawake.

Matatizo kama vile endometriosis (ambapo tishu zinazofanana na utando wa ndani wa uterasi hukua nje ya uterasi) au fibroids (uvimbe katika uterasi) ni sababu za kawaida za maumivu haya.

#SOMA Hapa Zaidi Kuhusu PID

4. Matatizo ya Figo:

Matatizo kama vile maambukizi ya figo au mawe ya figo yanaweza kusababisha maumivu chini ya kitovu. Maumivu yanayohusiana na figo mara nyingi huenda yakawa ya upande mmoja wa mwili, lakini yanaweza kusambaa hadi sehemu ya chini ya tumbo.

5. Matatizo ya Misuli na Viungo:

Maumivu chini ya kitovu yanaweza pia kusababishwa na matatizo ya misuli au viungo katika eneo hilo. Kuvuta misuli, kuharibika kwa tishu, au hata misuli iliyokwama inaweza kusababisha maumivu haya.

MAUMIVU YA CHINI YA KITOVU,MGONGO NA MATITI BAADA YA KUJIFUNGUA/KUZAA

Maumivu ya tumbo hasa chini ya kitovu,
mgongo na matiti mara baada ya
kujifungua/kuzaa na ambayo huongezeka
wakati wa kunyonyesha kitaalamu yanaitwa "afterpains"

Mara kadhaa watu wamekuwa wakiamini kuwa maumivu yanayoambatana na zoezi zima la kujifungua hupotea mara baada ya kujifungua. Kitu ambacho inawezekana si sahihi kwa wote.

Nyakati za awali mara baada ya kujifungua inaaminika kunakuwa na mabafiliko katika baadhi ya maeneo ya ubongo ambayo kwa namna moja ama nyingine hupelekea fikira na mitazamo ambayo hupelekea kuhisi maumivu makali isivyo kawaida.

Kuzaa kwa upasuaji au kuzaa kwa njia ya kawaida lakini kwa kusaidiwa na vifaa kunaambatana na maumivu makali baada ya kujifungua ukilinganisha na unapozaa kawaida. Kwa kawaida maumivu haya hutegemea hisia, mawazo na mtazamo.

Maumivu ya tumbo hutokea ikiwa ni matokeo ya mji wa mimba kunywea au kupungua kwa mji wa mimba katika hatua ya kurudi katika umbo la awali kabla ya kubeba ujauzito.

Namba ya nzao inahusishwa na kiwango cha maumivu haya. Katika mimba ya kwanza maumivu haya huweza kuwa sio makali sana n uweza kuisha ndani ya muda mfupi, lakini baada ya mimba mbili na kuendelea inaaminika maumivu huongezeka kutokana ukweli kuwa misuli ya mji wa mimba inakuwa imepunguza nguvu ya mvutano hivyo hupitia katika kipindi cha kunywea na kujilegeza hivyo kupelekea maumivu kuwa endelevu kwa muda.

Mimba zenye mapacha, watoto wakubwa, kiwango kikubwa cha maji katika mfuko wa mtoto, maambukizi nk zinaaminika kuambatana na maumivu haya mara baada ya kujifungua.

Kunyonyesha huweza kuleta au kuongeza kiwango cha maumivu kwasababu kitendo cha kunyonyesha hupelekea kutolewa kwa homoni ya oxytocin ambayo huchochea kunywea kwa mji wa mimba na hivyo maumivu.

Maumivu haya huweza kuwa chini ya kitovu, mgongoni au kwenye matiti.

Asilimia 64 ya kinamama hufananisha maumivu haya na maumivu ya hedhi. Baadhi hufananisha na maumivu au hisia mtoto akicheza awapo tumboni, wengine hufananisha na maumivu ya njaa na wengine huyafananisha na kitu kigumu kinachotembea kutoka sehemu moja kwenda nyingine.

NAMNA YA KUZIA AU KUPUNGUZA
kukojoa mara kwa mara, kulalia tumbo (kulala kifudi fudi) AU kujikanda na maji ya vuguvugu inaweza kusaidia.

Matumizi ya dawa , za kutuliza maumivu, hupelekea kukata au kutulia kwa maumivu haya

Hitimisho

Kumbuka kuwa hizi ni sababu chache tu za maumivu chini ya kitovu, na kila mtu anaweza kuwa na sababu tofauti. Ni muhimu kwa mtu mwenye maumivu haya kutafuta ushauri wa kitaalam ili kupata utambuzi sahihi na matibabu stahiki.

Kwa kujua chanzo cha maumivu, matibabu yanaweza kutolewa ipasavyo ili kupunguza au kutibu kabisa tatizo.

NA KWA USHAURI ZAIDI,ELIMU AU TIBA TUWASILIANE KWA NAMBA +255758286584.

Tatizo la acid mwilini,chanzo,dalili na Tiba

Tatizo la Acid mwilini, ni tatizo ambalo hutokea pale asidi inapojikusanya katika majimaji ya mwili wako, tatizo hili kwa Kitaalam hujulikana kama metabolic acidosis

Tatizo la Acid mwilini linaweza kutokea ikiwa una asidi nyingi katika damu yako ambayo huondoa bicarbonate au ikiwa unapoteza bicarbonate nyingi katika damu yako kwa sababu ya ugonjwa wa figo au kushindwa kwa figo n.k

Bicarbonate; ni base-Ni aina ya kaboni dioksidi - takataka baada ya mwili wako kubadilisha chakula kuwa nishati.

Hivo basi, Kwa Lugha nyingine tunazungumzia uhusiano kati ya Acid na base kwenye mwili wako, Acid ikiwa nyingi kwenye damu hupunguza base, au base ikiondolewa kwa kiwango kikubwa kwenye damu,acid huzidi au kutawala.

Nini kinatokea kwa Mtu mwenye Tatizo la Acid mwilini

Mwili wako lazima uwe na usawa maalum wa pH ili kufanya kazi vizuri.  Kiwango cha pH ni viwango vya asidi na besi katika damu yako.  Kiwango cha pH ni kati ya 0 (yenye tindikali(acid) sana) hadi 14 (Base sana au alkali).  Kiwango cha pH cha kawaida katika damu yako ni kutoka 7.35 hadi 7.45.

Figo na mapafu yako husaidia kudumisha usawa sahihi wa pH.  Figo zako huondoa asidi nyingi na besi kutoka kwenye damu yako kupitia mkojo wako (kukojoa).  Mapafu yako hudhibiti kiasi cha kaboni dioksidi katika damu yako.

 Tatizo la Acid mwilini hutokea wakati mwili wako huzalisha asidi nyingi, au figo haziondoi asidi ya kutosha kutoka kwenye damu yako hali ambayo hupelekea acid kujikusanya sana.

Tatizo la Acid mwilini huathiri Watu wa aina gani?

Tatizo la Acid mwilini linaweza kuathiri mtu yeyote.  Walakini, mara nyingi huathiri watu ambao wana tatizo la kushindwa kwa figo au ugonjwa wa muda mrefu (wa kudumu).

Dalili za Tatizo la acid mwilini

Wakati mwingine unaweza usionyeshe dalili zozote,Lakini ikiwa zitajitokeza;Zipo dalili na Ishara ambazo huweza kujitokeza ikiwa una tatizo la Acid mwilini, hapa tunajumuisha;

1. Tatizo la Mapigo ya moyo kwenda mbio(tachycardia).
2. Kupata kizunguzungu kikali
3. Mwili kuchoka sana kupita kawaida
4. Kukosa hamu ya kula
5. Kupata maumivu ya kichwa
6. Kupumua haraka sana au kupata shida ya kupumua
7. Kuhisi kichefuchefu na kutapika
8. Mwili kuishiwa na nguvu 
9. Wakati wa kupumua,Pumzi kuwa na harafu nzuri,kama matunda n.k
   

Chanzo cha Tatizo la acid mwilini

Fahamu,Kuharisha kusikoweza kudhibitiwa na kushindwa kwa figo kufanya kazi ni miongoni mwa sababu kubwa za tatizo la Acid mwilini,

Zipo sababu kubwa Nne ambazo husababisha tatizo la Acid mwilini,Sababu hizo ni pamoja na;

(1) Diabetes-related acidosis;

Hapa tatizo la Acid mwilini hutokea wakati mkusanyiko wa ketone unapoongezeka katika mwili wako kutokana na ugonjwa wa kisukari usiotibiwa.  Mwili wako huzalisha ketone huku unageuza (kubadilisha) mafuta kuwa nishati.  Mwili wako hutumia ketone kupata nishati wakati sukari (glucose) haipatikani.

(2) Hyperchloremic acidosis;

Hapa tatizo la Acid mwilini hutokea wakati mwili wako unapoteza Sodiamu bicarbonate nyingi.  Inaweza kutokea ikiwa unatumia laxatives nyingi au unaharisha sana.

(3) Lactic acidosis;

Hapa tatizo la Acid mwilini hutokea wakati una lactic acid nyingi katika mwili wako. lactic acid ni asidi ambayo seli zako za misuli na seli nyekundu za damu huizalisha kwa ajili ya kutoa nishati wakati huna oksijeni nyingi katika mwili wako.  Sababu za lactic acid kuwa nyingi Zaidi ni pamoja na;

• kushindwa kwa Ini kufanya kazi(Liver failure) 
• Kuwa na kiwango kidogo cha sukari kwenye damu(low blood sugar)
• Ugonjwa unaotokana na matumizi ya pombe(alcohol use disorder)
• Tatizo la saratani
• Pamoja na kufanya mazoezi makali.

(4) Renal tubular acidosis;

Hapa tatizo la Acid mwilini hutokea wakati figo zako hazipitishi asidi ya kutosha kwenye mkojo wako.  Matokeo yake, damu yako inakuwa na mkusanyiko zaidi wa Acid.

Je,tatizo la Acid mwilini huambukiza?

Hapana, Tatizo la Acid mwilini haliwezi kuambukiza.  Huwezi kueneza tatizo la Acid mwilini kwa mtu mwingine.

Vipimo vya kufanya kwa Tatizo la acid mwilini

Tatizo la Acid mwilini hugunduliwaje?

Mtoa huduma wako wa afya atakuuliza kuhusu dalili Ulizonazo na anaweza kukufanyia uchunguzi wa kimwili.  Pia wataalam wa afya wataagiza vipimo ili kusaidia kuthibitisha utambuzi wao.  Wanaweza pia kukuelekeza kwa nephrologist,Daktari wa magonjwa ya figo,huyu ni daktari ambaye ni mtaalamu wa magonjwa ya figo.

Vipo vipimo mbali mbali ambavyo huweza kufanyika ili kutambua tatizo la acid mwilini,Vipimo hivo ni pamoja na;

• Vipimo vya Damu(Blood tests)
• Vipimo vya Mkojo(Urine tests)

Wakati wa kipimo cha mkojo, Mkojo utaingizwa kwenye kikombe maalum.  Mtoa huduma wako wa afya ataangalia kiwango cha pH kwenye mkojo wako.  Unaweza kuwa na asidi nyingi kwenye mkojo wako au ukosefu wa besi za kutosha katika mkojo wako.

Matibabu kwa Tatizo la acid mwilini

Mara tu mtoa huduma wako wa afya anapogundua ni nini kinachosababisha Tatizo la acid mwilini mwako, anaweza kupendekeza mpango unaofaa wa matibabu.  Baadhi ya matibabu ni pamoja na:

- Matumizi ya Sodium citrate ikiwa una Ugonjwa wa figo au tatizo la kushindwa kufanya kazi kwa figo.

- Kupata drips (IV fluids).

IV sodium bicarbonate, ambayo husaidia kusawazisha asidi katika damu yako.

- Kupata Tiba ya Insulin kama chanzo ni diabetes-related acidosis.

- Kuondoa vitu vya sumu kutoka kwenye damu yako n.k

Nile au kunywa nini ikiwa nina Tatizo la acid mwilini

Vyakula na vinywaji vingine vinaweza kusababisha mwili wako kutengeneza asidi zaidi.  Kabla ya kufanya mabadiliko yoyote kwenye lishe yako, zungumza na mtoa huduma wako wa afya.  Anaweza kukuongoza juu ya nini uweke au nini kwenye lishe yako.  Anaweza pia kukuelekeza kwa mtaalamu wa lishe ambaye ni mtaalamu wa magonjwa ya figo Pia.

Baadhi ya Vyakula na vinywaji vinavyosababisha mwili wako kutengeneza asidi ni pamoja na:

• Nyama, ikiwa ni pamoja na nyama ya kuku na samaki.
•  Mayai.
•  Jibini.
•  Nafaka.
•  Pombe. n.k

Baadhi ya Vyakula au vinywaji vinavyozalisha alkali ni pamoja na:

• Matunda.
• Karanga.
• Kunde.
• Mboga za majani.
• Maji yenye alkali.n.k

Jinsi ya Kuzuia Tatizo la acid mwilini

Fahamu; Huwezi kuzuia Tatizo la Acid mwilini,lakini, unaweza kusaidia kupunguza hatari ya kupata tatizo hili.

Ninawezaje kupunguza hatari ya kupata tatizo la acid mwilini?

Hizi hapa ni baadhi ya Njia ambazo huweza kukusaidia kwa kiasi kikubwa kupunguza hatari ya kupata tatizo la Acid mwilini;

✓ Kunywa maji mengi na vinywaji vingine.

 ✓ Dhibiti viwango vya Sukari kwenye damu hasa ikiwa una ugonjwa wa kisukari.

 ✓ Acha kabsa Pombe au punguza kiasi cha pombe unachotumia.

✓ Kula vyakula vyenye kiwango kidogo cha Acid, na kiwango kikubwa cha base(low-acid, high-alkali foods).

✓ Kama una Ugonjwa kama kisukari,Presha n.k, Tumia dawa kwa Usahihi kwa maelekezo uliyopewa na Wataalam wa afya.

KWA USHAURI ZAIDI,ELIMU AU TIBA TUWASILIANE KWA NAMBA +255758286584.