UGONJWA WA PID,CHANZO CHAKE,DALILI NA TIBA

  UGONJWA WA PID,VISABABISHI,DALILI ZA PID,MADHARA YAKE NA TIBA


➡️ Ombeni Mkumbwa


📶 SUMMARY: MAANA YA PID

Maambukizi Katika Mfumo wa Uzazi wa Mwanamke (PID)

Maambukizi katika mfumo wa uzazi wa mwanamke kwa kitaalamu Pelvic Inflamatory Diseases au kwa kifupi PID, ni moja ya matatizo ambayo huwaathiri sana wanawake. Kwa kawaida maambukizi haya huusisha shingo ya uzazi (cervix) hali ambayo hujulikana kama cervicitis, nyama ya mfuko wa uzazi (endometrium) ambayo kitaalamu huitwa endometritis, na mirija ya uzazi (fallopian tubes) hali ijulikanayo kitabibu kama salpingitis.

PID husababishwa na nini?

Pamoja na aina kadhaa za vimelea kuhusishwa na PID, vimelea vya jamii ya Neisseria Gonorrhoeae pamoja na Chlamydia trachomatis ndivyo vinavyoongoza kwa umaarufu zaidi katika kusababisha PID kwa akina mama.

Je mwanamke hupataje PID?


Kwa Njia hizi hapa chini ni rahsi sana kwa mwanamke kupata maambukizi katika via vyake vya Uzazi.

(1) Kufanya mapenzi au ngono isiyo salama

(2) Kupata maambukizi katika via vya uzazi mara baada ya mama tu Kujifungua ambapo kitaalam huitwa "POSTPARTUM INFECTION"

(3) Maambukizi ambayo mwanamke huweza kuyapata mara tu baada kutoa mimba kwa Njia zisizo salama kitaalam huitwa Post abortion infection au baada ya mimba kutoka yenyewe ambapo kitaalam huitwa post miscarrage infection

(4) Matumizi ya baadhi ya Njia za Uzazi wa mpango kama lupu au(IUCD)  ambapo mwanamke kuweza kupata PID wakati wa uwekaji n.k

(5) Maambukizi kwa Njia ya damu kutoka kwa Mtu mwenye maambukizi katika via vya Uzazi

Dalili za PID ni zipi?

Zipo dalili kadhaa za ugonjwa huu wa PID. Miongoni mwa dalili hizi ni

Mwanamke kuhisi maumivu ya tumbo hasa maeneo ya chini ya kitovu

Kupata maumivu ya mgongo

Mwanamke kupata utoko mchafu sehemu za siri. Utoko huu huambatana na harufu mbaya.

Kuhisi maumivu wakati wa kukojoa

Kupata maumivu wakati wa tendo la ndoa

Kutoka damu bila mpangilio wakati wa hedhi

Kupata homa

Wakati fulani kuhisi kichefuchefu na

Pia kutapika


🔺MADHARA YA PID(MAAMBUKIZI KATIKA VIA VYA UZAZI VYA MWANAMKE)

1- Mwanamke kushindwa kabsa kubeba Mimba au Ujauzito

2- Ujauzito kutoka hasa katika miezi 3 ya mwanzoni

3- Kutokwa na uchafu unaombatana na harafu kali hata kukukosesha raha,hasa hasa kama Upo kwenye mahusiano ya kimapenzi

4- Kupata maumivu makali chini ya Kitovu wakati wa Tendo la Ndoa

5- Kupata maumivu wakati wa period huku ikiambatana na damu nyeusi,yenye mabonge mabonge  na wakati mwingine kutoka nyama kama Vipande vya maini.

6-Hali ya kichefuchefu na kutapika kutokea

7-Uke kuwa Mkavu hata kuleta maumivu wakati wa Tendo la Ndoa.

Vipimo vya tatizo la PID

Baadhi ya vipimo kwa Mtu mwenye dalili za Ugonjwa wa PID ni kama ifuatavyo;

➖Kuchunguza mkojo kwenye darubini ili kutambua aina za vimelea vinavyomletea mgonjwa maambukizi. Lakini pia Mkojo huweza kutumiwa kwa kuoteshwa katika maabara kwa ajili ya kutambua aina nyingine za vimelea viletavyo maambukizi hayo.

➖Kipimo cha Damu kwa ajili ya kuchunguza vimelea mbali mbali vya Magonjwa ikiwemo PID,ambapo kitaalam kipimo hichi huitwa Full Blood Picture.

➖Uchanguzi wa utando unaozunguka shingo ya uzazi ambapo huweza kutumika vifaaa kama SPECULUM

➖Mwanamke mwenye dalili hizi kufanya kipimo cha ULTRASOUND

TIBA YA PID

Kama una tatizo la PId waone wataalamu wa afya au nenda Hospital kwa Ajili ya vipimo na matibabu kamili,Kumbuka ukifika hospital unaweza kufanyiwa vipimo kama ULTRASOUND na kupata matibabu sahihi kwako.

Baada ya Ugonjwa wa PID kugundulika,mgonjwa atapewa  dawa za kutibu ugonjwa huu. Shirika la Afya Duniani (WHO)  limeonyesha baadhi ya miongozo na maelekezo ya kutibu Ugonjwa wa PID.

Baadhi ya dawa zilizoorodheshwa kwa ajili ya matibabu ya maambukizi katika via vya uzazi vya mwanamke(PID) ni pamoja na Cefotetan na Doxycycline; Clindamycin pamoja na Gentamycin; Ampicillin na Sulbactam kwa pamoja na Doxycycline; na Ceftriaxone au Cefoxitin pamoja na Doxycycline.

KINGA DHIDI YA UGONJWA WA PID

✓Kutokufanya ngono zembe kwani hiki ni mojawapo ya Chanzo cha Kupata ugonjwa wa PID

✓Kutokufanya tendo la ndoa mara tu baada Ya kujifungua kwani mlango wa uzazi utakuwa bado haujafunga vizuri na ni rahis kupata maambukizi pia

✓Fanya vipimo vya mara kwa mara hasa ukiwa na dalili kama nilizozitaja hapo juu

✓Muone mtaalam wa afya pale tu unapojihisi tofauti


NB: KAMA UNA TATIZO HILI NA MENGINE TUWASILIANE KUPITIA 0758286584 UKITUMA UJUMBE UTAJIBIWA KWA HARAKA ZAIDI.
#afyacheck_



 MAUMIVU WAKATI WA TENDO LA NDOA


➡️ Ombeni Mkumbwa


Wanawake wengi wamekuwa wakilalamika Juu ya Tatizo hili siku hizi.
Wengine Hata kushindwa kabsa Kushiriki Tendo la Ndoa,kwa kuogopa Maumivu ambayo wamekuwa wakiyapata Wakati wa Tendo la Ndoa.

VISABABISHI VYA MAUMIVU MAKALI WAKATI WA TENDO LA NDOA

(1)Kuvimba kwa Kuta za Uke- Na hii huweza kuusababishwa na FANGASI aina ya CANDIDA ALBICANS au BACTERIA

(2)Uvimbe wa Kizazi au Shingo ya Kizazi Huweza kuleta hali hii ya Maumivu makali wakati wa Tendo la Ndoa

(3)Mirija ya kizazi kuziba-Hali hii inaweza kukuletea maumivu makali wakati wa Tendo la Ndoa

(4)Kansa ya Shingo ya Kizazi-Mojawapo ya dalili za kansa ya shingo ya kizazi ni mwanamke kupata maumivu makali wakati wa Tendo la Ndoa

(5)Ukavu wa sehemu za siri-Hali hii huweza kupelekea maumivu makali pamoja na michubuko sehem za Siri wakati wa Tendo la Ndoa

KUMBUKA; JUKUMU LANGU KWAKO,NI KUKUSHAURI,KUKUELIMISHA NA KUKUPA MSAADA WA KIAFYA PALE INAPOHITAJIKA
    
@kwa ushauri/Elimu/Tiba mawasiliano ni +255758286584 Tuma Ujumbe utahudumiwa kwa Haraka zaidi.

0 Comments

WEKA COMMENT HAPA..!!!