Mtoto kuharisha baada ya kunyonya chanzo na Tiba yake

Mtoto kuharisha baada ya kunyonya inaweza kusababishwa na mambo kadhaa, na inategemea umri wake, aina ya maziwa anayonyonya (ya mama au ya kopo), na dalili nyingine anazoonyesha.

Mtoto kuharisha baada ya kunyonya chanzo chake:

1.Mabadiliko ya maziwa ya mama

Maziwa ya mama yana sehemu mbili: “foremilk” (nyepesi yenye sukari) na “hindmilk” (nzito yenye mafuta).

Mtoto akinyonya muda mfupi sana, anapata zaidi foremilk ambayo inaweza kusababisha tumbo kujaa gesi na kuharisha maji.

2.Lishe ya mama anayenyonyesha

Mama akila vyakula vyenye viungo vikali, maziwa, au dawa fulani, vinaweza kuathiri maziwa na kumfanya mtoto apate kuharisha.

3.Maziwa ya kopo (formula milk)

Baadhi ya watoto hawawezi kuvumilia protini fulani kwenye maziwa ya kopo (cow’s milk protein intolerance).

Hii husababisha kuharisha, gesi, na wakati mwingine vipele.

4.Maambukizi ya tumboni (bakteria au virusi)

Vimelea kama rotavirus au E. coli vinaweza kusababisha kuharisha baada ya kunyonya au kula.

5.Kunyonyesha vibaya

Mtoto akimeza hewa nyingi wakati wa kunyonya, au ananyonya kwa nguvu bila kupumzika, tumbo hujaa hewa na kusababisha kuharisha au kutapika.

6.Mzio (allergy) au lactose intolerance

Watoto wachache huwa na lactose intolerance — hawawezi kumeng’enya sukari ya maziwa vizuri, hivyo wanaishia kuharisha baada ya kila unyonyaji.

Dalili za Hatari (Mpeleke Hospitali Haraka) ukiona;

-Kuharisha zaidi ya mara 5 kwa siku.

-Kinyesi chenye damu au rangi ya kijani kibichi sana.

-Mtoto anapoteza maji mwilini,dalili unazoweza kuziona;

• midomo kuwa mikavu, 
• macho kudidimia au kuingia ndani zaidi,
• Mtoto hana machozi anapolia n.k.

-Kukosa hamu ya kunyonya au usingizi mwingi kupita kiasi.

-Homa au kutapika kila mara.

Msaada wa Haraka Nyumbani

Endelea kumnyonyesha mara kwa mara — maziwa ya mama yana maji na kinga.

Usimpe dawa bila ushauri wa daktari.

Ikiwa kuharisha kumezidi sana, anza kumnywesha ORS (maji ya chumvi-sukari) kidogo kidogo mara kwa mara.n.k....