Tatiana Schlossberg, mwandishi wa habari za mazingira mwenye umri wa miaka 35 na mjukuu wa Rais wa zamani John F. Kennedy, alifichua Jumamosi, Novemba 22 kwamba amegunduliwa na saratani ikiwa ni terminal Cancer, huku daktari wake akikadiria kuwa ana chini ya mwaka mmoja wa kuishi.

Katika insha binafsi iliyochapishwa katika The New Yorker, Schlossberg, binti wa Balozi wa zamani wa Marekani Caroline Kennedy, aliandika kwamba ugonjwa huo uligunduliwa Mei 2024, saa chache baada ya kujifungua binti yake. Madaktari waligundua idadi kubwa ya seli nyeupe za damu, ambayo ilisababisha utambuzi wa leukemia ya papo hapo ya myeloid (AML) yenye mabadiliko adimu inayojulikana kama Inversion 3. Kasoro hii ya kijenetiki hupatikana katika chini ya 2% ya visa vya AML na inahusishwa na ubashiri mbaya.

 Schlossberg alisimulia mshtuko wake wa awali: "Sikuamini — sikuweza — kwamba walikuwa wakinizungumzia. Nilikuwa nimeogelea maili moja kwenye bwawa siku iliyotangulia, nikiwa na mimba ya miezi tisa. Sikuwa mgonjwa. Sikuhisi mgonjwa. Kwa kweli nilikuwa mmoja wa watu wenye afya njema zaidi niliowajua.