Mjamzito kukojoa mara kwa mara 

Nini kinasababisha mama mjamzito kukojoa mara kwa mara? fahamu hapa, Zipo sababu kuu mbili.

Katika hatua za kwanza za Ujauzito, mabadiliko ya vichocheo mwilini yaani hormone changes huongeza hali ya mama mjamzito kukojoa mara kwa mara,

 Baadaye katika ujauzito, uterasi yako (tumbo la uzazi) linakuwa kubwa ili kumhifadhi mtoto wako anayekua. Kadri mtoto anavyokuwa ndivo huweka shinikizo zaidi kwenye kibofu cha mkojo,  Hii inasukuma kibofu cha mkojo au kukigandamiza pamoja na kusababisha eneo au room ya kibofu cha mkojo kupungua, Sababu hii husababisha kibofu kushindwa kukaa na mkojo mwingi au kwa muda mrefu, na hapa ndipo Swala la kukojoa mara kwa mara hutokea.

Kukojoa mara kwa mara kunaweza kuanza ndani ya wiki kadhaa baada ya mimba kutungwa.  Ingawa mjamzito anaweza kukojoa mara kwa mara kutokana na mabadiliko ya homoni, anapaswa kushauriana na daktari wake iwapo atapata maumivu wakati wa kukojoa au dalili nyingine za maambukizi ya mfumo wa mkojo (UTI).

Mjamzito kukojoa mara kwa mara si kawaida endapo; kunaambatana na dalili zingine zisizozakawaida kama vile homa au kuhisi baridi sana,kuhisi hali ya kuungua au maumivu wakati wa kukojoa, Hapa unapaswa kutafuta matibabu mara moja kwa sababu inaweza kuwa maambukizi ya njia ya mkojo (UTI).  Dalili zingine zinaweza kujumuisha maumivu ya mgongo,misuli au viungo vya ujumla n.k.

Ukiona dalili hizi hakikisha unatafuta Msaada mapema au;

KWA USHAURI ZAIDI,ELIMU NA TIBA TUWASILIANE KWA NAMBA +255758286584.

 MJAMZITO KUKOJOA MARA KWA MARA

Wanawake baada ya kupata ujauzito huweza kupatwa na hali ya kukojoa mara kwa mara,

Kukojoa mara kwa mara kwa mwanamke mjamzito wakati mwingine inaweza ikawa ni kawaida kabisa kama hakuna maambukizi kwenye njia ya mkojo yaani UTI,

Kwanza kabisa kitu muhimu cha kufahamu ni kwamba Mfuko wa uzazi (uterus) upo karibu kabisa na mfuko wa mkojo (urinary bladder)

Kwa ukaribu huu wakati mtoto anakuwa kichwa chake au sehemu nyingine ya mwili hutegemea na mlalo wa mtoto huweza kukandamiza kibofu cha mkojo hivyo husababisha mama kuhisi mkojo mara kwa mara.

Kumbuka kuna magonjwa mengine yanaweza kusababisha kukojoa mara kwa mara kama sukari na U.T.I

kwahyo kwa mama mjamzito anayepitia hali hii ni vizuri ukafika katika kituo cha kutolea huduma kwa uchunguzi wa kitaalamu kabisa

KUMBUKA: Kukojoa mara kwa mara asilimia kubwa ni hali ya kawaida kwa mama mjamzito kutokana na sababu hapo juu,

ila sio kila kukojoa mara kwa mara ni kawaida, kufanya vipimo na kujiridhisha ni vizuri zaidi kwako,

#afyaclass #uzazisalama #inawezekana

KWA USHAURI ZAIDI,ELIMU AU TIBA JUU YA TATIZO LOLOTE TUWASILIANE KWA NAMBA +255758286584.

Mama mjamzito kuumwa tumbo na kuharisha

Sababu za Kuumwa tumbo na Kuharisha Wakati wa Ujauzito

Kuumwa tumbo na Kuharisha wakati wa ujauzito ni hali inayowakumba wanawake wengi na inaweza kuwa na athari kubwa kwa afya ya mama na mtoto. Hii ni hali inayoweza kusababishwa na mambo mbalimbali, na ni muhimu kuelewa sababu za kuumwa tumbo na kuharisha kwa mjamzito pamoja na jinsi ya kudhibiti hali hii. 

Katika makala hii, tutaeleza kwa kina sababu za kuumwa tumbo na kuharisha kwa mama mjamzito, jinsi ya kukabiliana na hali hii, tiba zinazopatikana, mapendekezo muhimu, na ushauri kwa wanawake wajawazito.

Sababu za Kuumwa tumbo na Kuharisha Wakati wa Ujauzito

Sababu za kuumwa tumbo na kuharisha wakati wa ujauzito zinaweza kuwa nyingi na hutofautiana kutoka kwa mama mmoja hadi mwingine. Hapa chini ni baadhi ya sababu kuu zinazoweza kusababisha kuumwa tumbo na kuharisha kwa mama mjamzito:

1. Mabadiliko ya Homoni

Mabadiliko ya Progesterone: Wakati wa ujauzito, kiwango cha homoni ya progesterone kinaongezeka. Progesterone inasaidia kulegeza misuli ya mfuko wa uzazi ili kuzuia kuharibika kwa mimba, lakini pia inaweza kulegeza misuli ya mfumo wa mmeng'enyo wa chakula, hivyo kusababisha kuumwa tumbo, kuharisha au kujaa kwa tumbo.

Mabadiliko ya Estrogen: Homoni ya estrogen pia inabadilika kwa kiasi kikubwa wakati wa ujauzito. Hii inaweza kuathiri jinsi mfumo wa mmeng'enyo wa chakula unavyofanya kazi, ikichangia katika tatizo la kuumwa tumbo na kuharisha.

2. Mabadiliko ya Chakula na Lishe

Kubadilika kwa Lishe: Mama wajawazito mara nyingi hubadilisha mlo wao ili kuendana na mahitaji ya ujauzito. Mabadiliko haya yanaweza kusababisha kuharisha, hasa ikiwa mama anaanza kula vyakula vipya au vyenye viungo vingi au  mafuta mengi.

Vyakula Vilivyochafuka: Kula vyakula vilivyochafuka au vya kuandaliwa kwa usafi mdogo kunaweza kusababisha maambukizi ya bakteria kama vile Salmonella au E. coli, ambayo yanaweza kusababisha kuumwa tumbo na kuharisha.

3. Maambukizi ya Bakteria na Virusi

Infection ya Bakteria: Maambukizi ya bakteria kutoka kwa vyakula vilivyochafuka au maji yasiyo safi yanaweza kusababisha kuumwa tumbo na kuharisha. Bakteria kama vile Campylobacter, Salmonella, na Shigella ni baadhi ya vyanzo vya maambukizi.

Infection ya Virusi: Virusi kama vile rotavirus na norovirus vinaweza kusababisha maambukizi ya mmeng'enyo wa chakula,kuumwa tumbo na kuharisha.

4. Magonjwa ya Mfumo wa Mmeng'enyo wa Chakula

Irritable Bowel Syndrome (IBS): Hali hii inaweza kuwa mbaya zaidi wakati wa ujauzito kutokana na mabadiliko ya homoni na msongo wa mawazo.

Inflammatory Bowel Disease: Magonjwa kama vile Crohn's disease na ulcerative colitis yanaweza kuathiri mfumo wa mmeng'enyo wa chakula na kusababisha kuumwa tumbo na kuharisha.

5. Matumizi ya Dawa

Antibiotics: Dawa za antibiotics zinaweza kuua bakteria nzuri kwenye utumbo, na hivyo kusababisha kuumwa tumbo na kuharisha kama athari.

Vitamini na Virutubisho: Baadhi ya virutubisho vya vitamini, hasa kwa kiwango kikubwa, vinaweza kusababisha matokeo ya kuumwa tumbo na kuharisha.

6. Msongo wa Mawazo na Mabadiliko ya Kihisia

Msongo wa Mawazo: Msongo wa mawazo kwa mjamzito unaweza kuathiri utendaji wa mfumo wa mmeng'enyo wa chakula, hivyo kusababisha kuuma tumbo na kuharisha.

Mabadiliko ya Kihisia: Hali ya kihisia na hali ya kiakili zinaweza kuathiri mfumo wa mmeng'enyo wa chakula, na kusababisha hali ya kuumwa na tumbo na kuharisha.

Namna ya Kukabiliana na kuumwa na tumbo na Kuharisha wakati wa Ujauzito

Namna ya kuzuia kuumwa na tumbo na kuharisha wakati wa ujauzito ni muhimu ili kuepuka athari zinazoweza kutokea. Hapa chini ni vidokezo na hatua zinazoweza kuchukuliwa:

a. Kudumisha Usafi wa Chakula na Maji: 

Hakikisha unakula vyakula vilivyoandaliwa kwa usafi. Epuka vyakula vilivyoandaliwa kwa usafi duni huweza kuwa na vimelea vya magonjwa. Safisha mikono yako mara kwa mara kabla ya kula au baada ya kutumia choo ili kupunguza hatari ya maambukizi. Kunywa maji safi, Epuka kunywa maji yasiyo na uhakika wa usalama.

b. Kufuata Lishe Bora:

 Kula milo midogo midogo mara kwa mara inaweza kusaidia kupunguza mzigo kwenye mfumo wa mmeng'enyo wa chakula. Epuka vyakula vyenye mafuta mengi, vyakula vyenye viungo vikali, na vyakula vilivyoandaliwa kwa usafi mdogo.

c. Kudhibiti Msongo wa Mawazo: 

Dhibiti msongo wa mawazo,hii inaweza kusaidia katika kudhibiti athari za kihisia kwenye mfumo wa mmeng'enyo wa chakula. Ikiwa msongo wa mawazo ni tatizo kubwa kwako, tafuta msaada kutoka kwa mshauri au mtaalamu wa afya ya akili.

Hitimisho

Sababu za kuumwa tumbo na kuharisha kwa mama mjamzito ni nyingi na zinaweza kuwa na athari kubwa kwa afya ya mama na mtoto. Kutambua sababu za kuharisha kwa mama mjamzito, jinsi ya kudhibiti hali hii, na ushauri wa kitaalamu ni muhimu ili kuhakikisha kuwa ujauzito unaendelea vizuri. Kwa kufuata vidokezo vya afya, mapendekezo ya lishe, na kutafuta msaada wa kitaalamu, mama wajawazito wanaweza kupunguza hatari na kuhakikisha afya bora kwao na kwa mtoto wao.

Mama mjamzito anatakiwa alale vipi

Staili za kulala kwa mama mjamzito,Soma hapa kufahamu

Inaweza isiwe mara ya kwanza kwako kusikia kwamba,si kila staili ya kulala ni nzuri kwa mama mjamzito,

huenda ukawa umesikia mama mjamzito akilala sana chali atagandamiza mshipa mkubwa wa damu uonapita eneo la mgongoni na kusababisha mzunguko mbaya wa damu, mtoto kukosa hewa,chakula na hata kupoteza maisha.

Ni kweli kabsa sio kila staili ya kulala ni nzuri na salama kwa mama mjamzito, na Leo tunakuchambulia baadhi ya staili za kulala kwa mama mjamzito;

Staili za kulala kwa mama mjamzito

✓ Ulale ubavu wa Kushoto Au Kulia?

Siku zote madaktari wanashauri kina mama wajawazito kulala ubavu mmoja hasa upande wa kushoto ili kuepuka kuzaa mtoto mfu au mtoto mwenye uzito mdogo kwa sababu mwanamke mjazito anapolalia ubavu wake wa kushoto huongeza mzunguko wa damu kwa kiumbe kilichomo ndani yake.

Ukweli ni kwamba, Kulala upande wa kushoto wakati wa ujauzito huwezesha mtiririko mzuri wa damu na kuhakikisha kwamba viungo muhimu na mtoto hupokea virutubisho na oksijeni.

Sleeping on the left side during pregnancy facilitates blood flow, ensuring that vital organs and the baby receive the nutrients and oxygen. 

Pengine wajiuliza namna gani sahihi ya kulala kwa mjamzito? Wakati wa ujauzito madaktari wanapendekeza zaidi ulae kwa ubavu hasa kama mimba yako imeshakuwa kubwa. Hii ni kwasababu ya kuepuka kubonyeza mshipa mkubwa wa damu na kuzuia mtiririko mzuri wa damu inayozunguka kuelekea kwenye kizazi.

Kulala Kwa Ubavu wa Kushoto

Kulala kwa ubavu wa kushoto ni mkao sahihi zaidi kwa mama mjamzito ikilinganishwa na staili zingine za kulala kwa mjamzito. Kwasababu mkao huu unaruhusu mzunguko mzuri wa damu kutoka kwenye moyo wa mama kuelekea kwa mtoto.

Kulala kwa ubavu wa kushoto pia kunapunguza mgandamizo kwenye ini na figo. Hii itasaidia kupunguza kuvimba kwa vidole vya mikono , miguu na kwenye enka.

Je ni kweli Kulala Upande flani Ni kigezo cha Jinsia ya Mtoto?

Unaweza kuwa umesikia tetesi kwamba mwanamke akipenda kulalia upande flani basi ni jinsia fulani ya mtoto. Hii ni tetesi tu haina ukweli wowote. Hakuna utafiti wowote unaoonesha ukweli wa jambo hili.

Miezi Mitatu Ya Kwanza Ya Ujauzito(First Trimester)

Kipindi hiki unaruhusiwa kulala kwa namna yoyote, aidha kwa ubavu wa kushoto, kulia, kulalia tumbo au hata mgongo. Lakini kama unataka kujizoesha mapema kwa ajili ya baadae basi anza kulala kwa kuweka mto katikati ya miguu yako. Hii itakusaidia ufurahie usingizi na usipate kashkashi zozote.

Miezi Mitatu Ya katikati ya ujauzito(Second trimester)

Kadiri tumbo linavoongezeka utahitaji kupata godoro imara ambalo halibonyei sana kujizuia mgongo kujikunja sana unapolala. Endelea kutumia mto katikati ya miguu.

Miezi mitatu ya mwisho(Third trimester)

Endelea kutumia mto kukupa sapoti katika miezi hii ya mwisho kuelekea kujifungua. Katika kipindi hiki pendelea zaidi kulala kwa ubavu wa kushoto. Na mara chache lala kwa ubavu wa kulia, hakikisha pia unaweka mto mwingine eneo la kichwa liwe juu kidogo.

✓ Kulala Chali je ni Sahihi na Salama?

Wanawake wajawazito wanaopenda kulala chali wapo kwenye hatari ya kuzaa mtoto mfu(stillbirth),kulingana na wanasayansi. Katika utafiti uliofanyika nchini Ghana, wanawake wajawazito ambao walipenda kulala chali wakati wa ujauzito walikuwa kwenye hatari mara tano zaidi ya kuzaa watoto wenye uzito mdogo na kwa wanawake wengine walizaa watoto wafu.

Utafiti huu ulifanyika nchini Ghana kutokana na kuwa kati ya watoto 1000 wanaozaliwa 20 hadi 50 kati yao hufariki dunia. Hata hivyo, utafiti mpya uliofanyika nchini New Zealand pia umehusisha kulala chali kwa mwanamke mjamzito na idadi kubwa ya watoto kufariki wanaozaliwa katika nchi zenye raia wenye kipato kikubwa.

✓ Kulala kwa Tumbo ni Salama?

Pengine umekuwa ukijiuliza vipi naweza kulala kwa tumbo nikiwa na mimba na isilete madhara yoyote? Jibu ni ndio unaweza kulala kwa tumbo kwa week 16 za kwanza za mimba. Kadiri mimba inavokuwa kubwa wewe mwenyewe itakushinda kulala na tumbo na itabidi ubadili mkao.

Usiwe na hofu kwamba mimba itaharibika pengine ikitokea kwa bahati mbaya umelala na tumbo. Mtoto analindwa na majimaji ya amniotic fluid kwenye chupa yake.

✓ Kulala kwa Mgongo

Kulala kwa mgongo ni salama ukiwa kwenye miezi mitatu ya mwanzo. Baada ya hapo kulala kwa mgongo itakuwa siyo salama kwani itasababisha upate matatizo ya maumivu chini ya mgongo, bawasili, matatizo ya tumbo na pia damu kutozunguka vizuri inavotakiwa.

Ikitokea mara chache usiku ukajisahau na kulala kwa mgongo basi usiwe na hofu badilisha tu mkao na maisha yaendelee vizuri mpaka ukishajifungua.

Ni matumaini yangu umejifunza na kuelewa vizuri kuhusu Staili za kulala kwa mama mjamzito.... Mungu akujalie Uzazi Salama, na Ujifungue salama katika Safari hii....!!!!!!!

Mama mjamzito kutokwa na damu 

Mama mjamzito kutokwa na Damu Ukeni ni hali ambayo inawapata wanawake wengi wakiwa wajawazito, na Sio mara Zote inamaanisha kuna tatizo kubwa la kiafya. Leo tunachambua Sababu mbali mbali ambazo huchangia hali hii ya kutokwa na damu ukeni wakati wa ujauzito kwa wakina Mama wengi.

Chanzo cha Mama mjamzito kutokwa na Damu

Zipo sababu mbali mbali ambazo huchangia uwepo wa tatizo hili,Sababu hizo ni pamoja na;

1. Damu Inayotoka wakati wa kiinitete(embro) kujishikiza kwenye Ukuta wa Mji wa Mimba kwa kitaalam hujulikana kama Implantation bleeding

Baada ya Yai kufanikiwa kurutubishwa na Mbegu ya Kiume,ndipo tunasema una mimba na Safari yako huweza kuanzia hapo,

Baada ya Urutubishaji huu,kiinitete kinachokua lazima kijishikize kwenye Ukuta wa mji wa mimba,kwa kitaalam mchakato huu hujulikana kama Implantation.

Katika hatua za awali za ujauzito,unaweza kupata hali ya kutokwa na damu nyepesi isiyo na madhara, inayojulikana kama "Light spotting".  Huu ndio wakati kiinitete kinachokua kinajipandikiza na kujishikiza kwenye ukuta wa tumbo lako la uzazi.

Katika kipindi hiki,baadhi ya Wanawake hutokwa na Damu nyepesi au matone matone ya Damu.

Aina hii ya kutokwa na damu mara nyingi hutokea wakati ule ule wa kipindi cha hedhi yako kutoka Unapofika., Hili sio tatizo bali ni hali ya kawaida kabsa.

2. Mabadiliko kwenye mlango wa kizazi(Cervical changes)

Mimba inaweza kusababisha mabadiliko kwenye mlango wa kizazi au Cervix, na hii inaweza wakati mwingine kusababisha damu kutoka- hasa baada ya tendo la ndoa,

 3. Sababu nyingine ni Kuharibika kwa mimba au mimba kutunga nje ya kizazi(hapa nazungumzia Miscarriage or Ectopic pregnancy)

 Wakati wa wiki 12 za kwanza za ujauzito, kutokwa na damu ukeni kunaweza kuwa ishara ya kuharibika kwa mimba au mimba kutunga nje ya kizazi,

Na Ikiwa unatoka damu katika hatua hii ya ujauzito na mimba ikatoka kwa bahati mbaya, hakuna sababu ya wewe usiendelee kutafuta Ujauzito mwingine kama huna tatizo lolote lingine. Ingawa ni muhimu sana kufahamu chanzo husika cha tatizo lako ili kama linahitaji Tiba upate Tiba mapema na kukaa Sawa kabla ya kutafuta tena ujauzito mwingine.

Mimba kutoka au kutishia kutoka;

Mbali na Damu kutoka Ukeni,Unaweza kupata dalili zingine kama Mimba inatishia kutoka au inatoka, dalili hizo ni kama vile;

• kupata maumivu makali kwenye tumbo au chini ya kitovu
•  kutokwa na Uchafu au majimaji ukeni
•  kutoka kwa tishu au vitu kama nyama Ukeni
•  kutopata tena dalili za ujauzito

 Ikiwa unavuja damu au unapata dalili zozote kati ya hizi, wasiliana na Wataalam wa afya Mara moja. au Kwa Ushauri Zaidi,elimu na Tiba tuwasiliane hapa hapa afyaclass kupitia namba +255758286584.

Vipi Kwa Upande wa Mimba kutunga Nje ya Kizazi?

Dalili za mimba kutunga nje ya kizazi mara nyingi huanza kuonekana kati ya wiki 6 hadi 8 za ujauzito lakini zinaweza kutokea baadaye pia.

Mbali na Damu kutoka Ukeni,Unaweza kupata dalili zingine kama Mimba imetunga nje ya Kizazi,dalili hizo ni pamoja na;

• Kupata Maumivu chini ya tumbo ambayo yanaweza kuwa upande mmoja
•  kutokwa na damu ukeni au kutokwa na maji ya kahawia
•  Kupata Maumivu katika ncha ya bega lako n.k

4. Tatizo la Placental abruption

Hii ni hali mbaya ambayo placenta au kondo la nyuma huanza kutoka kwenye ukuta wa tumbo la Uzazi.  Kuachia kwa plasenta huweza kusababisha maumivu ya tumbo, na hii inaweza kutokea hata ikiwa hakuna damu.

Lakini pia tatizo hili huweza kusababisha Damu kutoka Ukeni.

5. Tatizo la Low-lying placenta au (placenta praevia)

Hili ni tatizo lingine ambalo huweza kusababisha mama mjamzito kutokwa na damu ukeni,

Huu ndio wakati plasenta inaposhika katika sehemu ya chini ya uterasi, karibu na au kufunika Cervix.  Damu inayotoka kwenye placenta hii iliyoshika sehemu ya chini inaweza kuwa nzito sana, na kukuweka wewe na mtoto wako katika hatari zaidi.

Hitimisho;

Madhara ya caffeine kwa mjamzito,Epuka vitu vyenye Caffeine

Bila shaka hii sio ngeni kwako,kusikia kuhusu Madhara ya caffeine kwa mjamzito na Ushauri wa wataalam mbali mbali wakishauri kupunguza matumizi ya vitu vyenye caffeine nyingi hasa wakati wa Ujauzito,

Kumbuka:Vinywaji vyenye Caffeine(caffeinated beverages) ni pamoja na;

• Kahawa
• Chai
• Soda
• pamoja na energy drinks

ila baadhi ya tafiti zinaonyesha hata matumizi ya kiwango cha wastani cha caffeine bado huweza kusababisha madhara kwa ujauzito wako,

Katika makala hii tutachambua Zaidi kuhusu Madhara ya caffeine kwa mjamzito pamoja na Tafiti mbali mbali ambazo zimethibitisha hili.

Madhara ya caffeine kwa mjamzito

Haya hapa ni baadhi ya Madhara ya caffeine kwa mjamzito;

- Kuathiri ukuaji wa mtoto tumboni,

Tafiti zinaonyesha, hata matumizi ya wastani ya Caffeine kila siku bado huweza kusababisha Madhara kwa mjamzito ikiwemo; kuathiri ukuaji wa mtoto tumboni.

Tafiti:Wanawake wajawazito ambao walitumia caffeine ambayo ni sawa na nusu kikombe cha kahawa kwa siku kwa wastani walizaa watoto wadogo zaidi kuliko wajawazito ambao hawakutumia vinywaji vyenye kafeini, kulingana na utafiti katika Taasisi za Kitaifa za Afya.

Mbali na kuathiri ukuaji wa mtoto na Kusababisha kuzaa mtoto mdogo zaidi(smaller birth size) kama Madhara ya caffeine kwa mjamzito, Pia matumizi ya caffeine huweza kuongeza hatari ya watoto kupata matatizo mengine kama vile;

• Tatizo la unene au obesity,
• Kupata Magonjwa ya Moyo(heart disease)
• Pamoja na ugonjwa wa kisukari hapo baadae

- Kuzaa mtoto mwenye tatizo la Uzito mdogo(low birth weight)

Moja ya Madhara ya caffeine kwa mjamzito ni kuongeza hatari ya Kuzaa mtoto mwenye tatizo la Uzito mdogo,

Hii ni kutokana na Caffeine kuathiri kwa kiwango kikubwa Ukuaji wa mtoto akiwa tumboni yaani kwa kitaalam intrauterine growth restriction.

- Kusababisha mishipa ya damu kwenye kizazi(uterus) pamoja na kondo la nyuma(placenta) kubana

Watafiti waligundua pia,Moja ya Madhara ya caffeine kwa mjamzito ni kusababisha mishipa ya damu kwenye kizazi(uterus) pamoja na kondo la nyuma(placenta) kubana/constrict,

Hali ambayo hupelekea kiwango cha damu kinachokwenda kwa mtoto kupungua zaidi kisha kuzuia ukuaji zaidi wa mtoto.

- Pia matumizi ya Caffeine huweza kuvuruga baadhi ya vichocheo kwa mtoto yaani fetal stress hormones,

Na kuongeza hatari Zaidi ya watoto kuwa na matatizo kama vile;

• Uzito kuongezeka kwa kasi sana mara tu baada ya kuzaliwa
• Na hapo baadae kuwa na tatizo la obesity
• magonjwa ya moyo(heart disease)
• Pamoja na Ugonjwa wa kisukari

Hayo ndyo baadhi ya Madhara ya caffeine kwa mjamzito.

FAQs: Maswali ambayo huulizwa mara kwa mara

Je, matumizi ya Vinywaji vyenye Caffeine ni salama kwa mjamzito?

Kutokana na tafiti mbali mbali,matumizi ya Caffeine au vitu vyenye caffeine sio Salama wakati wa ujauzito, hata kama umetumia kwa kiwango cha wastani.

Hitimisho

Kulingana na tafiti mbali mbali juu ya matumizi ya vitu vyenye Caffeine wakati wa Ujauzito,

Matokeo yanaonyesha Madhara ya caffeine kwa mjamzito ni mengi,

Hii haijalishi umetumia kwa kiwango kikubwa au kiwango cha wastani yaani moderate caffeine consumption,

Madhara ya caffeine kwa mjamzito ni pamoja na kuathiri ukuaji wa mtoto tumboni,kisha kupelekea kuzaa mtoto mdogo,mtoto mwenye uzito mdogo pamoja na matatizo mengine ya kiafya hapo baadae.

Baada ya kufahamu baadhi ya Madhara ya caffeine kwa mjamzito, ni matumaini yangu kwamba utaepuka matumizi ya Vitu vyenye Caffeine katika kipindi cha Ujauzito wako.

Madhara ya kufanya Mapenzi kwa Mama Mjamzito

Baadhi ya Watu hujiuliza,yapi ni Madhara ya kufanya Mapenzi kwa Mama Mjamzito? Watu wengi wanajiuliza kufanya Mapenzi Mwanamke akiwa mjamzito je ni salama au kuna Madhara?

Kwa kuliona hilo na baada ya kupata Maswali mengi,Leo katika Makala hii tumechambua kuhusu Madhara ya kufanya Mapenzi kwa Mama Mjamzito Pamoja na Vitu vya Kuzingatia Zaidi kwenye kipindi hiki cha Ujauzito.

Madhara ya kufanya Mapenzi kwa Mama Mjamzito

Je ni Sawa kufanya Mapenzi wakati wa ujauzito?

Unachotakiwa kufahamu ni kwamba,Mtoto ambaye anakua tumboni(fetus) hulindwa na kufunikwa na maji ya Uzazi-amniotic fluid, Pamoja na misuli imara kabsa ya mfuko wa uzazi wenyewe,

Hii inamfanya mtoto kukua kwenye Mazingira Salama zaidi akiwa ndani ya tumbo la Uzazi bila kujali unafanya mapenzi au hufanyi.

Madhara ya kufanya Mapenzi kwa Mama Mjamzito

• Hakuna Madhara ya kufanya Mapenzi kwa Mama Mjamzito kama mama huyu hana historia ya matatizo yoyote ya kiafya(complications)

• Sio salama kwa Mama mjamzito kufanya Mapenzi kama akiwa na historia ya matatizo ya kiafya kama vile;

• Kupata uchungu mapema kabla ya wakati(preterm labor)
• Matatizo kwenye kondo la nyuma au placenta problems
• Kuvuja damu Ukeni kupita kiasi
• Kutokwa na maji ya Uzazi yaani amniotic fluid
• Mlango wa uzazi(Cervix) kuanza kufunguka kabla ya wakati au kuwa na tatizo la cervical incompetence
• Kuwa na tatizo la kondo la nyuma(placenta) kushuka na kufunika mlango wa uzazi kwa kitaalam hujulikana kama placenta previa n.k

Kama una matatizo kama haya unashauriwa kuomba Msaada na Ushauri wa wataalam wa afya kuhusu Njia Salama za kutunza Ujauzito wako ili kukusaidia kuzuia Madhara wakati wa ujauzito,kisha kujifungua Salama.

Kumbuka: Kufanya Mapenzi wakati wa Ujauzito hakusababishi mimba kutoka yenyewe(miscarriage),Ingawa kama una shida hii pia, ni vizuri kuchukua tahadhari.

• Madhara ya kufanya Mapenzi kwa Mama Mjamzito ni Pamoja na kuongeza hatari ya kupata magonjwa mbali mbali,

Ikiwa huchukui tahadhari zozote za kujikinga na magonjwa mbali mbali ikiwemo magonjwa ya Zinaa, kufanya Mapenzi kwenye kipindi hiki kunaweza kuongeza hatari zaidi ya wewe kupata magonjwa mbali mbali.

Kutokana na mabadiliko ya vichocheo mwilini, pamoja kushuka kwa kinga ya mwili kipindi cha Ujauzito,inaweza kusababisha mama mjamzito kupata magonjwa kwa urahisi,

magonjwa hayo ni pamoja na;

• Ugonjwa wa UTI
• Tatizo la fangasi Sehemu za Siri
• Tatizo la Pid
• Magonjwa mbali mbali ya Zinaa kama ugonjwa wa kaswende,kisonono,Chlamydia, kupata virusi vya human papiloma virus(HPV) n.k

Kumbuka magonjwa kama kaswende huweza kumuathiri mpaka mtoto.

FAQs; Maswali ambayo huulizwa mara kwa mara

Je, kuna Madhara ya kufanya Mapenzi kwa Mama Mjamzito?

• Hakuna Madhara ya kufanya Mapenzi kwa Mama Mjamzito kama mama huyu hana historia ya matatizo yoyote ya kiafya(complications),

Lakini pia endapo wahusika wakichukua tahadhari zote za kujikinga na Magonjwa mbali mbali yakiwemo magonjwa ya Zinaa(Sexual transimitted diseases).

Hitimisho

Hakuna Madhara ya kufanya Mapenzi kwa Mama Mjamzito kama mama huyu hana historia ya matatizo yoyote ya kiafya(complications),

Pia hakikisha unachukua tahadhari zote za Kujikinga na magonjwa mbali mbali yakiwemo magonjwa ya Zinaa, ili wewe pamoja na mtoto tumboni muwe Salama zaidi.

KWA USHAURI ZAIDI,ELIMU AU TIBA JUU YA TATIZO LOLOTE TUWASILIANE KWA NAMBA +255758286584.